Бош саҳифа Имкониятлар Internews “Ҳужжатли кино мактаби. Short format” Мактабини ўтказиш учун ҳамкорлар изламоқда

Internews “Ҳужжатли кино мактаби. Short format” Мактабини ўтказиш учун ҳамкорлар изламоқда

Internews “Ҳужжатли кино мактаби. Қисқа ўлчам” Мактабини биргаликда ўтказиш учун ҳамкорлар излаётганини маълум қилади.

1 март куни биз “Ҳужжатли кино мактаби. Қисқа ўлчам” минтақавий Мактаб машғулотларига старт берамиз, унда Қозоғистон, Тожикистон ва Ўзбекистон вакиллари ўзларининг ижодий ғояларини амалга ошириш ва қисқа метражли ҳужжатли фильм яратиш имкониятига эга бўладилар (давомийлиги 15 дақиқагача).

Биз ҳужжатли кино студияларини, продюсерлик студияларини, медиа-компанияларни ва НТТни ўқув жараёнини ташкил этиш ва амалга оширишда ҳамкорликка таклиф қиламиз.

Ҳамкорлар Қозоғистон, Тожикистон ва Ўзбекистонда аризалар асосида танлов орқали сараланадилар ва ўз мамлакатларида Internews билан ҳамкорликда Мактаб ташкил этиш учун грант оладилар.

Мактаб дастури Internews экспертлари, ҳамкорлар ва мураббийларнинг биргаликдаги фаолияти натижаси бўлади.

Ҳамкорларни танлашда Internews қуйидаги мезонларга таянади:

  • иштирокчиларни ўқитиш ва кейинги шафъелик жараёнини самарали бошқаришга қодир профессионал ва тажрибали жамоанинг мавжудлиги;
  • ўз ҳудудларида ҳужжатли кино соҳасида мураббийлар, мутахассислар ва юлдузларни, шунингдек, таржимонларни жалб қилиш учун зарур муносабатларга эга бўлиш;
  • юқори сифатли видеоконтент яратиш ва уни тарғиб қилиш жараёнини тушуниш. Ўз ҳудудингизда ҳужжатли кино соҳасидаги ваколатларнинг мавжудлиги, миллий тилни (қозоқ, тожик, ўзбек) билиш.

Агар ҳамкорлар аввал бошқа мамлакатларда ҳужжатли кино ишлаб чиқариш бўйича кўникмалар олган бўлсалар, бу афзаллик беради.

“Ҳужжатли кино мактаби. Қисқа ўлчам” Мактабида таълим онлайн ва офлайн шаклида ўтади. Ҳар бир мамлакатдан 1-3 кишидан иборат 4 тагача жамоа шакллантирилади. Мактаб иштирокчилари онлайн шаклда маърузаларни тинглаш ва мураббий, юлдузлар  ва турли мамлакатлардан жалб қилинган мутахассислар билан мулоқот (миллий тилларга таржима билан) қилиш имкониятига эга бўладилар. Сўнгра машғулотлар миллий тилларда гуруҳларга бўлинган ҳолда офлайн шаклда ташкиллаштирилади. Ўқув жараёнлари якунига етгач, иштирокчи жамоалар 5-15 дақиқа давом этадиган тайёр фильмларини тақдим этадилар. Ҳамкорларнинг вазифаси, шунингдек, иштирокчиларга жараён тугагунга қадар керакли маслаҳатлар бериб беришдан иборат.

Сиз ушбу ҳавола орқали ариза беришингиз мумкин.

Ҳужжатлар 2021 йил 5 февралгача қабул қилинади.

Танлов натижалари 2021 йил 10 февралда эълон қилинади.

Барча саволлар бўйича kz-info@internews.org электрон манзилига мурожаат қилинг.

Лойиҳа Марказий Осиё MediaCAMP дастури доирасида АҚШ Халқаро тараққиёт агентлиги (USAID) кўмаги билан амалга оширилмоқда.

Таржимон Нодир Маҳмудов
Журналист, шарҳловчи, таржимон. Ўзбекистоннинг бир қатор марказий нашрларида фаолият юритган.

Жавоб қолдиринг:

Илтимос, изоҳингизни киритинг!
Илтимос, исмингизни киритинг

Cоңғы жазбалар

Sevimli TVда «Она қизим»: меҳр занжири билан боғланган она ва қиз

Агар она ва қиз бир занжирга боғлаб қўйилса нима бўлади? Яъни рамзий маънода эмас (бу ўринда қондошлик ришталари ҳақида гап кетмаяпти), реал ҳаётда шундай...

Ўзбекистондаги малакали онлайн-медиа мутахассислари учун  «Медиада натив реклама» онлайн-тренинги

2021 йил 18-28 май кунлари Internews Network халқаро нодавлат ташкилоти Ўзбекистондаги медиа мутахассислари учун «Медиада натив (билвосита) реклама» мавзусида онлайн-тренинг ташкил этмоқда.Тренингга муҳаррирлар, Ўзбекистон...

Афсонавий Жон Алпертдан ҳужжатли фильмнинг учта таркиби. Ҳужжатли кино мактабида ижодий учрашув

14 апрель куни “Ҳужжатли кино мактаби. Қисқа метр” машғулотлари доирасида америкалик афсонавий ҳужжатли фильмлар режиссёри Жон Алперт билан ижодий учрашув бўлиб ўтди. У мухбир ва ҳужжатли...

Ўзбекистон онлайн-ОАВ журналистлари учун мультимедиа воситалари бўйича қўлланма яратилди

Апрель ойида Internews Ўзбекистон журналистлари учун мультимедиа воситалари бўйича бир қатор кўрсатмаларни ишлаб чиқди.Ушбу босқичма-босқич кўрсатмалар очиқ манбаада бўлиб, унинг ёрдамида журналист ва муҳаррирлар...

Ўзбекистон журналистлари ва блоггерлар учун “Moбил фотография” oнлайн тренингги

2021 йилнинг 4-14 май кунлари Internews Network халқаро нодавлат ташкилоти Ўзбекистон журналистлари ва блоггерлари учун "Moбил фотография" номли oнлайн-тренинг ташкил қилади.Тренингда қатнашиш бепул.Tренинг икки...