Инфографиканы сәтті жариялауға көмектесетін бірнеше кеңес ұсынамыз.
1. Инфографиканы толық өлшемде кесін ретінде (PDF-файл емес) жариялаңыз
Инфографиканы жасауға ресурс жұмсаған екенсіз, оны дұрыс жариялауға да ресурс аямаңыз. Көп сайттар инфографиканы PDF форматта жариялайды, бұл оны көріп, бөлістетін адамдар санын едәуір азайтады.
Инфографикаңызды сайтыңызда не блогыңызда толық өлшемді кескін түрінде (ені 800 px кем болмасын) жариялаңыз. Мысалы, African Widlife қоры өзінің «Africa’s Poaching Crisis» деген инфографикасын жеке landing page түрінде жариялаған:
2. Инфографиканы әлеуметтік желілерде жариялау үшін кадрларға бөліңіз
Инфографиканы әлеуметтік желілерде жариялаған кезде оның бір бөлігін таңдаңыз. Инфографиканы бір бөлігін кесіп алуаға болатын және ол тұтастығын жоғалтпайтындай етіп жасаған абзал.
Мысалы, «Africa’s Poaching Crisis» деген инфографиканың Twitter-де жарияланған бір бөлігі:
3. Инфографикаңызды оңай бөлісуге болатынына көз жеткізіңіз
Әлеуметтік желілерде барынша көп репост жинау үшін инфографикаңызда түрлі әлеуметтік желілерде ортаға салуға мүмкіндік беретін «Бөлісу» батырмалары бар екеніне көз жеткізіңіз.
Сондай-ақ, репост жасаған кезде инфографиканың әдемі миниатюрасы шығып, тақырыбы мен сипаттамасы генерацияланатынын да болуы тиіс.
4. Инфографика салынған парақтың дизайны бейімделгіш болғаны абзал
Инфографикаңызды неғұрлым көп адам көре алуы үшін, ол жарияланған парақтың дизайны бейімделгіш болуы, яғни, кез келген құрылғыда — компьютер, планшет, смартфонда ашылуы тиіс.
5. Инфографикаңызға әрекет жасауға үндеу қосыңыз
Инфографикаңызға әрекет жасауға үндеу қосуды ұмытпаңыз – сонда оны көрген адамдар сізге жазылып, қолдау көрсетеді.
6. Таратылым хатына инфографика салынған парақтың сілтемесін (PDF-файл емес) қосыңыз
Инфографикаңызды парақшаңызға жазылушылармен бөліскіңіз келсе, хатқа PDF-файл емес, инфографика салынған парақтың сілтемесін қосыңыз. Біріншіден, ол практика ескірген, екіншіден, көптеген жазылушыларыңыз үшін PDF-файлды ашу артық әуре болып көрінуі мүмкін.
Оның үстіне, инфографика салынған параққа сілтемемен өтіп, жазылушыларыңыз репост батырмасының көмегімен оны жылдам бөлісе алады.
Материал Creative Commons СС-BY-SA 3.0 лицензиясымен te-st.ru сайтында жарияланған.
