Сіздің Instagram аккаунтыңыз бар болса, мыңдаған жазылушысы бар танымал аккаунттарды көрген боларсыз, ал кейбіреулеріне өзіңіз де жазылған шығарсыз.

Төменде айтылған кеңестерді пайдаланып, өз аккаунтыңызды немесе ұйымыңыздың аккаунтын дәл сондай танымал етіп, жаңа жазылушылар тарта аласыз.

• Instagram-да қызықты да есте қаларлық есім таңдаңыз.
• Сізге ілесу ниетін тудыратындай өзіңіз туралы ақпарат жазыңыз.
• Пайдаланушылар танитын профиль фотосуретін жүктеңіз.
• Өзге пайдаланушыларға не ұнайтынын түсіну үшін танымал Instagram-аккаунттарына жазылыңыз. 
• Кездейсоқ фотосуреттер жариялаудың орнына, белгілі бір тақырыпты (көңіліңізге қонатын) таңдаңыз.
• Әдемі де сапалы фотосуреттер жариялаңыз. 
• Кей суреттер жақсы, бірақ керемет емес — ешқашан нашар сурет жарияламаңыз.
• Өзіңізді «ілгерілете» бастамас бұрын кем дегенде 15-20 керемет суретіңіз болуы тиіс.
• Фотосуреттерді жарияламас бұрын өңдеңіз (Instagram-ның өз фильтрлерін емес, VSCO Cam сынды қосымшаларды пайдаланыңыз).
• Фотосуреттерге қызықты, деректі жазбалар қосыңыз.
• Қайталанбаңыз, алуан түрлі дүниелер (өз тақырыбыңыз аясында) жазыңыз.
• Жағажай, айнадағы кескін және күн батып бара жатқан кездің суреттері жұрттың бәріне дерлік ұнайды.
• Жарияланымдарыңыз тұрақты болсын: күн сайын, апта сайын, т.б.
• Жиілетіп жібермеңіз — 6 сағат сайын бір сурет жариялау жеткілікті.
• #бірегей және #креатив хэштегтер қолданыңыз.
• Хештегтеріңіз тым көп болмасын.
• Әлдеқандай оқиғаны баяндайтын фотосуреттерді таңдаңыз (жұртқа ол ұнайды).
• Жазылушыларыңызға сіздің фотосуреттеріңіздің көмегімен әлденені білуге көмектесіңіз.
• Әдемі жасалған селфи жариялаңыз.
• Өзге әлеуметтік желілердегі достарыңыз бен жазылушыларыңызға Instagram-да бар екеніңізді айтыңыз.
• Instagram-дағы фотоларыңызды өзге әлеуметтік желілерде жариялаңыз.
• Сіздікіне ұқсайтын фотолар жариялайтын адамдарға жазылыңыз.
• Сондай фотоларға пікір жазыңыз.
• Аудиторияңызбен қатынас жасаңыз.
• Әлдекім суретіңізге жақсы пікір білдірсе, оған алғыс айтыңыз.
• Instagram ұйымдастыратын байқауларға қатысыңыз.
• Instagram-ның ресми блогын оқыңыз — онда да тың идеялар таба аласыз.
• Аккаунтыңыз баршаға ашық екеніне көз жеткізіңіз!
• Жазылым үшін ешқашан ақша төлемеңіз, өзіңізге сеніңіз.
• Instagram іріктеп алатын фотосуреттер топтамасына кіру үшін барыңызды салыңыз.

Материал Creative Commons СС-BY-SA 3.0 лицензиясымен te-st.ru сайтында жарияланған.