Жаңа репортер медиа мамандарының жұмысына пайдалы сервистерге үнемі шолу жасап отырады. Әдетте, біз ұсынатын құралдар мен сайттар ағылшын тілінде болады.

Ал Орталық Азия елдерінің журналистері мен редакторлары қызығатын онлайн өнімдердің көбі, өкінішке қарай, ағылшын тілін білмейтін қолданушылардың пайдалануына мүлде лайықталмаған.

Pressfeed.ru — «Коммерсантъ» баспа үйінің «Секрет Фирмы» журналының редакторы Константин Бочарский жасап шығарған  сайт орыс тілінде жұмыс істейді және журналистер, баспагерлер, редакторлар, фирма және компания иелеріне жақсы көмекші бола алады.

«Pressfeed» деген не? Бұл — медиа мамандары мен түрлі саладағы эксперттер арасында қатынас жасауға мүмкіндік беретін платформа.

«Pressfeed репортерларға кейіпкер, пікір айтушы, оқиға мен фактура іздеуге көмектеседі. Ал компанияларға — медиа құралдарынан сұраным алып, өз кейстерін ұсынуға мүмкіндік береді». 

Сервис өте қарапайым жұмыс істейді  – журналист болсаңыз, өз басылымыңызды көрсетіп тіркелу керек.

Содан кейін сұраным жариялай аласыз.

«Дерек көздері» үшін де осы рет. Тек, бұл жағдайда сұранымдар жіберілмейді, қаралады. Бәрі тегін.

«Pressfeed баспасөз баяндарын, журналистерге шақыртулар, аңдатпалар мен өзге де пиар-материалдар жолдамайды.

Pressfeed «кері бағытта» жұмыс істейді: журналистер сұрайды, ал пиаршылар мен эксперттер әрқайсына жеке жауап береді».

Сервис қалай жұмыс істейтіні туралы толығырақ  сайттың өзінен біле аласыздар.