Қазақстанда журналистика бойынша заманауи тегін онлайн курс іске қосылды. Дәрістер қазақ және орыс тілдерінде жүргізіледі: mediaschool.kz.
ONLINE MediaSchool – ашық және практикалық онлайн журналистика курсы. Курста 66 видео-дәріс бар – қазақ және орыс тілдерінің әрбірінде 33 дәрістен. Курс тренерлері – қазақстандық журналистер, редакторлар, SMM және PR мамандары, дизайнерлер, медиа-заңгерлер. Курстың әдістемесі мен бағдарламасын кәсіби журналистер, университет оқытушылары және медиа-сарапшылар әзірледі.
Курсқа қатысушылар дәрістерді өзі қалаған ретпен көре алады. Журналист ретінде жұмыс істеу дағдыларын басынан бастап меңгеру үшін курсқа толықтай қатысып, аралық және қорытынды тесттерден сәтті өтіп, ONLINE MediaSchool сертификатын алу қажет. Сертификатты 16 жастан асқан Қазақстан Республикасының азаматтары ала алады. Курстың ережелерін мына сілтемеден оқыңыз.
Курсты Қазақстан Республикасындағы Нидерланды Корольдігі Елшілігінің қолдауымен MediaNet халықаралық журналистика орталығы ұйымдастырды.
