2015 жылғы 25-26 наурызда Сан-Францискода өткен Facebook F8 конференциясында дүние жүзінің ең ірі әлеуметтік желісі ең жаңа әзірленімдері мен жаңадан енгізілген өзгерістерін көрсетті.

Бұл іс-шара — әлемдегі ең күтілетін интернет-оқиға. Біз фейсбук қолданушылары алдағы уақытта танысатын алты ең қызықты өзгерістерді ұсынамыз.

1. 360° видеоролик. Енді фейсбукта сфералық видео салып, қарауға мүмкіндік болады.

2. Share Sheet функциясы – жазбаны алдын-ала қарау. Ол хабарламаларды недәуір қызықты, нақты пайдаланушыларға арналған, соларға әсер ете алатындай етіп жасауға мүмкіндік береді.

3. Қосымшаларды сараптауға арналған тегін құрал, оның көмегімен әзірлеушілер пайдаланушылардың іс-әрекеті туралы ақпаратты, сондай-ақ, демографиялық — жасы, жынысы, қайда тұратыны туралы мәліметтерді жинай алады.

4. Орнатылатын плеер. Енді қолданушылар фейсбуктағы видеоны өз сайтына не блогына орнатуға мүмкіндігі бар.

5. Пайдаланушылардың компаниялармен тікелей байланыс жасауына арналған «Бизнес Мессенджер» (Messenger Business) функциясы. Messenger Business арқылы клиенттер бизнес ұйымдарымен тікелей келіссөздер жүргізіп, іскерлік процестердің барысы жөнінде бәрін біліп отырады деп жоспарланып отыр.

6. Пайдаланушылар брендтердің парақшаларында қалдырған жазбалар мен FB арқылы авторизация жасауға болатын сыртқы сайттардағы пікірлерді синхрондап отыруға мүмкіндік беретін пікір қалдырудың жаңа жүйесі.