2015 жылғы 26 наурызда Twitter Periscope.tv мобильдік қосымшасын іске қосты. Оның көмегімен пайдаланушылар онлайн видеотрансляция жасауына, болып жатқан оқиғаны твиттерде немесе тікелей periscope.tv өзінде қадағалап отыруына болады.
Қосымша тегін, қазірше тек iOS-тағы құрылғылар үшін бар, алайда жақын арада Android-нұсқасы шығады деп жоспарланып отыр.
Трансляция бастау үшін твиттердегі аккаунт арқылы тіркелу керек, содан кейін сервис танымал авторларға жазылып, өзіңіз твиттерде ілесетіндерді тізімге қосуды ұсынады.
Онлайн бағдарламаның атын қоямыз, видео жалпыға жария бола ма, әлде тек твиттердегі оқырмандарыңыз көре ала ма — соны белгілеп, геолокация функциясын реттейміз.
Тіпті твиттердегі жазылушыларыңыз арасында трансляция басталғаны жөнінде хабарлама алады-ау дегендер көп болмаса да, periscope.tv-да әр жаңа бағдарламаға көрермен табылады: біз 17 секунд ішінде 17 қаралым жинадық.
Трансляциядан кейін қанша пайдаланушы оны көріп, қаншасы баға беріп, пікір қалдырғанын статистикадан біле аласыз. Видеоны мобильдік құрылғыда да, қосымшаның өзінде де сақтап қоюға, браузер арқылы ашып көруге болады.
Periscope — твиттерде онлайн видеотрансляция жүргізуге арналған алғашқы қосымша емес. Бір ай бұрын Life on Air компаниясы осыған ұқсас, аз уақыт ішінде дүние жүзі бойынша танымал болып кеткен сервис — Meerkat-ты шығарған.
Мұнда да твиттердегі аккаунтыңыз арқылы тіркелесіз, трансляцияны бірден бастауға немесе белгілі бір уақытқа жоспарлап қоюға болады. Трансляция кезінде артқы камераны қосу функциясы, көрермендерге арналған чат мүмкіндіктері бар.
Қызықты пайдаланушылар табуға немесе ең танымал деген ағымдағы видео жасаушылар тізімін қарауға болады. Сіздің твиттердегі жазылушыларыңызға трансляция басталғаны жөнінде автоматты түрде хабарлама келеді, ал дайын видео сіздің мобильдік құрылғыңызда сақталады, сервисте видео сақтау қызметі көзделмеген.
Трансляциялардың барлығы жалпыға жария. Қосымша тек iOS пайдаланушылары үшін ғана бар, алайда трансляцияны браузер арқылы көруге де болады.
Stre.am алдыңғы сервистерден өзінің «әлеуметтілігімен» ерекшеленеді — тіркеліп, өз аккаунтыңызға пайдаланушылар назарын аудару үшін, сіз тек Твиттердегі ғана емес, Facebook-тағы да, Google+ аккаунтыңызды да пайдалануыңызға болады.
Қосымшаның басты кемшілігі — трансляцияны браузерде көру мүмкіндігі жоқ. Видеоны мобильдік құрылғыда сақтап қоюға болады, сервистің өзінде ол 24 сағат қана сақталып тұрады.
Stre.am қосымшасын Android та, iOS та пайдаланушылары қолдана алады.
Сіздің ілесушілеріңіздің бәріне арналған чат, шынайы уақыт режимінде трансляциялар тізімі бар.
Мобильдік құрылғылар көмегімен онлайн трансляция жасау күннен күнге танымал болып барады. Сондықтан, үш қосымшаның да кемшіліктері бар екеніне қарамастан, олардың көмегімен медиа қазір өз аудиториясын арттырып отыр.
