Бішкектегі ЕҚЫҰ академиясы және Боннадағы Неміс толқыны академиясы 2015 жылғы 22 маусым мен 25 тамыз аралығында Бішкекте өтетін «Орталық Азия қазіргі заман журналистикасы жазғы мектебіне» қатысуға байқау жариялайды.
10 апталық сертификаттау бағдарламасы Орталық Азия аудиториясына бағытталған, баспа БАҚ, радио, ТВ мен онлайнға арналған сапалы журналистік материалдар әзірлеу үшін қолданылатын негізгі құралдармен жұмыс істеу машықтарын дамытады.
Мақсаты – журналистерге Орталық Азия бұқаралық ақпарат құралдарында шығатын бағдарламалар мен жарияланымдардың сапасын жақсартуға көмектесу, Орталық Азия елдерінің ауылдық аймақтарындағы мәселелерге саясаткерлердің назарын аударту.
Жобаның аймақтық ұстанымы Орталық Азияның барлық елдерінің журналистері үшін жылдам ақпарат алмасуға, мүмкін келешекте жаңалықтар бағдарламаларымен алмасуға да мүмкіндік беретін желі құруға бағытталған. Журналистер аудиториясын кеңейтіп, жаңа ақпарат көздерін таба алады.
Бағдарлама орыс тілінде жүреді.
Тренерлер:
Елена Упорова, Мәскеу, Ресей
Григорий Михайлов, Бішкек, Қырғызстан
Матиас Бёлингер, Берлин, Германия
Дирк Тиле, Берлин, Германия
Мориц Зауер, Кёльн, Германия
Эрик Албрехт, Берлин, Германия
Андреас Маус, Кёльн, Германия
Бағдарламаға қатысамын деушілерге қойылатын талаптар:
Орталық Азия елдерінің жоғары оқу орындарының соңғы курсында білім алып жүрген немесе жақында ғана оқу бітірген (өтінім беру сәтінде жасы отыздан аспаған) жас журналистері қатыса алады. Кандидаттың аз болса да бұқаралық ақпарат құралдарында жұмыс істеу тәжірибесі болуы тиіс. Жоғары білімі жоқ, бірақ практикалық жұмыс істеп жүрген журналистердің де өтінімдері қарастырылады.
Міндетті талаптар: компьютерді меңгеру және орыс тілін білу

Бағдарламаға қатысу үшін мыналарды қамтитын өтінім беру керек: 
- Резюме
- Неліктен осы бағдарлама бойынша оқығысы келетінін түсіндіретін шағын мотивациялық хат.
- Соңғы екі жылда жасалған 3 бағдарламасы (сипаттамасы) немесе жазылған мақалалары.
- Жазғы академия кезінде әзірлегіңіз келетін ауыл халқы тақырыбына арналған немесе Қырғызстанның ауылды жерлерінің тұрғындарына бағытталған екі журналистік материал ұсыныңыз. Материалдың тақырыбын, сюжетін немесе оқиғаны сипаттаңыз, қандай ақпарат көздерін пайдалануды жоспарлап отырғаныңызды жазыңыз. Сондай-ақ, неліктен осындай материал өзекті болмағын да негіздеп беріңіз.
Іріктеуден сәтті өткен кандидаттар 200 Еуро көлемінде стипендия алады. Өзге қалалардан келетіндерге қосымша 150 Еуро тұрғын жайға беріледі.
Өтінімді мына email бойынша s.dzardanova@osce-academy.net (Светлана Дзарданова, Бішкектегі ЕҚЫҰ академиясының зерттеулер мен тренингтер жөніндегі үйлестіруші) 2015 жылғы 15 сәуірден кешіктірмей жіберу керек.
Қосымша сұрақтармен (+996) 312 543 200 телефонына хабарласуға болады.
