Төтенше жағдай орын алған кезде болып жатқан оқиғалар туралы жер шарының әр тұрғыны өзекті де шұғыл ақпаратқа қол жеткізе алуы тиіс. Оқиғалар туралы мәліметтерді қадағалап отыруға көмектесетін бірнеше сервис ұсынамыз.
Google оқиғалар картасы. Оқырмандарыңызға төтенше жағдай немесе апатты оқиға туралы ақпаратты жеткізу үшін сайтыңызда оқиғалар картасын орналастырыңыз. Ашық бастапқы коды бар БЖ көмегімен өзіңіздің карталарыңызды жасап, өзгерте аласыз.
Google Person Finder апаттан кейін жоғалып кеткен адамдарды табуға көмектеседі. Бұл сервистің виджетін сайтыңызға орнату үшін google.org/personfinder парақшасындағы кодты пайдаланыңыз.
Google Public Alerts. Бұл құрал пайдаланушыларға төтенше жағдайлар туралы хабарлауға арналған. Public Alerts-ті өз сайтыңызға орнатқыңыз келсе, фид Alert Hub-қа жазылыңыз.
Еуропалық Жерорта теңізі сейсмология орталығы (EMSC) 1975 жылдан бері жұмыс ісейді. Ұйым қауіпті болуы мүмкін жерасты дүмпулерін қадағалаумен, олардың мүмкін салдарын болжаумен және ескерту жүйесін әзірлеумен айналысады.
EMSС сайтында шынайы уақыт режимінде соңғы жер сілкіністерінің эпицентрі көрсетілген карта табуға болады.
Интерактив карта бір сағаттан екі аптаға дейінгі уақыт аралығындағы жер сілкіністерінің бәрін көрсетеді. Төменде — оқиға орнына сілтемелер берілген, нақты географиялық орналасқан орны, баллдары мен магнитудасы көрсетілген кесте.
iOS және Android смартфондарына арналған қосымша бар, онда жағдайды шынайы уақыт режимінде қадағалап отыруға болады, аймақтағы тұрғындардың пікірлері мен мамандардың кеңестері де келтірілген.
ubAlert — бүкіл дүние жүзіндегі апаттар мен төтенше оқиғалар туралы ақпарат бөлісуге арналған ғаламдық желі. Сервис авторлары құтқару қызметтеріне апат туралы дабыл бойынша шұғыл әрекет етуге көмектесетін әлемдегі ең ірі құрал жасауды жоспарлап отыр.
Әр адам сайтқа ТЖ жағдай туралы дабыл жібере алады, ubAlert ақпараттың сенімділігін тексеріп, оның егжей-тегжейін жариялайды. Қосымшалары да бар — Android , iOS.
