Meerkat  тегін мобильдік қосымшасының көмегімен енді тек твиттерде не Meerkat-тың өзінде ғана емес, сайтыңыз бен блогыңызда да тікелей онлайн-трансляция жүргізе аласыз.

Сервис өте қарапайым,  iOS  және Android құрылғыларында пайдалануға болады.

Қосымшаны көшіріп алғаннан кейін твиттер-аккаунт арқылы тіркелу қажет болады.

Трансляцияны бірден жүргізе бастауға немесе жоспарлап қоюға болады.

Видео түсірілім сіздің онлайн-ресурста трансляциялануы үшін, meerkatapp.co  сайтына кіріп, Emded тармағын таңдау керек.

Ник атымызды көрсетіп, плейердің өлшемін түзетеміз. Төмен жағында кодты көресіз, соны сайтыңызға көшіріп қою керек болады.

Орнатылатын плейер автоматты түрде трансляцияны іске қосады. Дәл қазір ешқандай хабар жоқ болса, терезеде алда болатын трансляцияның анонсы немесе алдыңығы көрсетілімнің қаралым статистикасы көрініп тұрады.