Google – әлемдегі ең үлкен іздеу жүйесі ғана емес, біз қауіпсіздік пен құпиялық шараларына мән берместен қолдана беретін бірқатар сервистер мен қосымшалар жинағы да. Мына сілтемелердің көмегімен сіз өзіңіз және онлайндағы әрекеттеріңіз жөніндегі Google-ға қандай да бір қатысы бар ақпаратыңызды қадағалап отыра аласыз.
Google-дағы жеке кабинет. Мұнда сіздің аккаунтыңызбен байланысы бар почта, YouTube, Google+, фото, Play Маркет сынды Google-сервистердің деректері жинақталады. Ақпаратты қадағалап, статистиканы сараптап отыруға ыңғайлы.
Қосымша және веб-іздеу тарихы. «Google-мен не бөлісетіңізді өзіңіз таңдайсыз». Сол таңдауды осы арада жасауға болады: сіздің не іздегеніңіз, қайда болғаныңыз, басқа да ақпаратыңыз сақталғанын қалайсыз ба?
«Сіздің жеке бас деректеріңізге, мысалы, қай жерлерде жүретініңіз бен не нәрсе іздейтініңіз туралы мәліметке иелік ете отырып, Google сервистерін сіздің қызығушылығыңызға бейімдейді». Алайда, ол сізге әрдайым керек пе?
Сақталған парольдер. Сіз Chrome және Android арқылы бір рет болса да кірген түрлі сайттардағы пайдаланушы аты мен паролін сақтап отыратын құрал. Google аккаунтындағы қосымшалар мен сайттардың парольдерін сақтау функциясын осы жерде өшіріп қоюға болатынына назар аударыңыз.
Аккаунтпен байланысты қосымшалар. Әдетте қандай да бір сервисте тіркеліп, почта адресін көрсетеміз де, оны ұмытып кете береміз. Мына сервис сіздің Gmail-аккаунтыңызға қатынай алатын сырт қосымшалардың толық тізімін жасап береді.
Құрылғы жөніндегі ақпарат. Құрылғыда сақталып қалған сіз Google-ға жолдаған байланыс деректері, қосымшалар туралы мәліметтер және өзге де деректер.
«Жуырда пайдаланылған құрылғылар» бөлімінде соңғы 28 күн ішінде сіз өз аккаунтыңызға қандай құрылғыдан кіргеніңіз көрінеді.
YouTube-та не көргеніңіз және YouTube-та не іздегеніңіз. Бәрі осы арада сақталады.
Аккаунтыңызға қатысты «Хронология» бөлімі қосулы болса, сіз соңғы бір күнде, апта немесе ай бойы қай жерлерде жүргеніңіз көрініп тұрады.
Google-дағы Жарнаманы өзіңіз үшін релевант және пайдалы етуге болады.
Өзіңіздің жеке бас деректеріңізді мына жерден көшіріп алуыңызға болады.
Ал “Google на всякий случай” сервисі сіздің фотоларыңыз, хаттарыңыз, документтеріңіз және аккаунтыңыздағы басқа да деректер қараусыз қалған жағдайда оларға не шара жасайтынын білу үшін жасалған.
