20 қазанда 17.00 сағатта Всеволод Пуляның вебинары өтеді.
Вебинарда натив жарнама, арнайы жобалар, ақпараттық қолдау туралы айтылады. БАҚ үшін интернетте табыс табудың қандай жолдары бар екенін талдаймыз. Редакция қызметкерлері жарнама материалдарын әзірлеуге қатысуы тиіс пе және мүдделер қақтығысының алдын қалай алуға болады деген сұрақтардың жауабын іздейміз.
Вебинар журналистерге, редакторларға, продюсерлер мен жарнама менеджерлеріне пайдалы болмақ.
Всеволод Пуля — Russia Beyond The Headlines («Российская газета») халықаралық жобасының бас редакторы. MediaToolbox.ru агенттігінің негізін қалаушы. «Журналист» журналындағы «Жаңа медиа» айдарының редакторы. Жаңа медиа, редакцияны басқару, журналистикадағы медиаменеджмент және маркетинг тақырыбында тренингтер мен семинарлар жүргізеді.
Вебинарға қатысу — тегін. Тіркелу үшін сілтемемен өтіңіздер.
«Журналистер брендтермен жұмыс істей отырып, беделін қалай сақтайды» тақырыбындағы вебинарды Internews Network ақпаратқа қол жеткізуді қолдау жобасы аясында, АҚШ халықаралық даму жөніндегі агенттігі (USAID) көмегімен ұйымдастырып отыр.
