«Қазақстан интернет ассоциациясы» заңды тұлғалар бірлестігі президенті Шавкат Сабировтың кеңестері.
1. Жүйе администраторынан немесе провайдерден сервер немесе хостинг жұмыс істеп тұрған-тұрмағаны туралы ақпарат сұратыңыз. Сырттан біреудің әсер етуінсіз техникалық ауытқулар болып, жай ғана бағдарламашы немесе жүйе администраторының көмегі керек шығар.
2. Қазақстанның өзге провайдерлері («Қазақтелеком», «Билайн», «Астел», «Транстелеком» және басқа) арқылы сайтқа кіруге бола ма, соны тексеріңіз.
3. Сайтқа әлемнің басқа тұстарынан кіруге болатын-болмайтынын тексеріңіз. Ол үшін неше түрлі сервистер көп. Мысалы, ping-admin.ru, loadimpact.com, alertra.com.
4. Келесі қадам – сайтқа қол жеткізуді шектеу жөніндегі сот органдары шешімі бар-жоғын тексеру.
Оны мына арада тексеруге болады. Процесс ұзақ жүреді, мұқияттылық пен шыдамдылықты қажет етеді. Мына бір нюансқа назар аударыңыз: компания атауын тырнақшамен, тырнақшасыз, ЖШС дегенді қосып, қоспай жазып көру керек.
Домен атауын да «http», «www» дегендерді қосып, қоспай жазып көру керек. Соттардың барлығын, Алматы, Астана қалаларын тексеруді ұсынамын. Әсіресе, Астана қаласы, Сарыарқа аудандық сотын немесе Арнайы мамандандырылған ауданаралық сотты тексеру керек.
5. Тағы бір жолы — онлайн-ресурсқа қол жеткізуді шектеу туралы сұрақпен өкілетті органға жүгіну. Қазір ондай өкілетті орган — ҚР Инновациялар және даму министрлігінің Байланыс, ақпарат және ақпараттандыру комитеті.
ҚР заңдарына сәйкес, жауап белгіленген мерзім ішінде берілуі тиіс.
6. ЭЦҚ көмегімен egov.kz электронды үкімет порталы арқылы жүгініңіз. Жүйе автоматты түрде сауалды деректер базасына тіркеп, сізге жауап берілуі тиіс уақыт кері санала бастайды.
7. Сауалыңызды ҚР Үкіметінің лог-платформасына жолдаңыз.
8. Сайт сот шешімімен жабылған болса, мынадай әрекет ету керек – мұндай жағдайда не істеу керек екені туралы Жоғарғы соттың түсіндірмелеріне ілесіңіз:
- сот шешімін орындау;
- ол туралы өкілетті органға ресми түрде хабарлап, сайт иесінің бүкіл деректерін ұсынып, ресурс туралы ауық-ауық ескертіп тұру керек. Өйткені, өкілетті орган сіздің сайтыңызға қол жеткізу туралы хат жолдауы тиіс және оны оны қосу үшін біраз уақыт керек болады;
- бұл жерде сіздің табандылығыңыз бен ниетіңіз керек болады;
- түрлі жауаптар келген болса, шешім жұмыс тәртібінде, жауаптарға қарай қабылданады.
