Видеода мультимедиа сторителлинг онлайн-мектебінің менторы, медиатренер Назгүл Қожабек сторителлинг материалға енгізуге болатын интерактив құралдар, соның ішінде интерактив карта жасауға арналған Storymap сервисін қолдануды үйретеді.
Оқуға арналған материал
Солтүстік батыс университетінің Knight Lab зертханасы — бұл журналистиканы жаңа салалармен ұштасырып, дамытуға бағытталған эксперименттер жасайтын дизайнерлер, бағдарлама жасаушылар, студенттер мен оқытушылардың қауымдастығы. Knight lab қазіргі медиада жиі қолданатын бірқатар танымал сервистерді ұсынады.
Storymap — Knight lab дайындаған құрал.
Журналист жұмысында ең көп қолданатын карта, таймлайн және дейін/кейін деген фото әзірлейтін сервис. Knightlab әзірлеген тегін құралдарды пайдалану үшін тіркелуге gmail пошта қажет.
Storymaр — оқиғаны мекенге байлап баяндауға мүмкіндік береді.
Storymap-пен жұмысты басты беттегі жасыл батырмаға басудан бастаймыз — «make a storymap».
Келесі шыққан терезеде gmail поштасы арқылы тіркелеміз. Келесіде сізге осы бағдарлама арқылы жасалған өзге қатысушылардың карталарын ұсынады. Бірақ біз төмендегі «new» жазуы бар жасыл батырмаға басамыз.
Картамызға тақырып ойлап табу қажет.
Мұқаба суретін қалауыңызға қарай ауыстыруға болады.Фотосуреттерді өз галереяңыздан алатындықтан,оған арнайы папка жасап қойыңыз. Әрі барлық жазылатын мәтіндеріңізді: атауынан басталып сипаттауға дейін алдын ала дайындаған жөн.
Материалыңыз географияға байланысты болғандықтан, арнайы кесте сызыңыз.
Онда картада белгілегетін мекен жайды, тақырыптары мен сипаттамасын алдын-ала дайындасаңыз болады.
Storymap-тың мұқабасы дайын болды. Келесі бетінде іздестіруге арналған жол шығады,сол арқылы керек мекен-жайды тауып, әрқайсысына тақырып қойып,кішігірім сипаттаманы,фото,видеоны қосып,превьюден макетті көреміз. Одан қалса бэкгранудты өзгертуге болады.
«save» батырмасын ұмытпаңыз!
Шартты түрде алынған оқиға карта форматына көшті. Енді оны «share» батырмасын шерту арқылы әлеуметтік желілер арқылы бөлісеміз. Facebook пен Twitter арқылы тек сілтемемен бөлісуге болады, ал сайтта эмбед коды арқылы дәл осы күйінде жариялай аласыз.
| Ұсынылатын әдебиеттер: |
| Тақырып бойынша тапсырма: Өз өмірбаяныңызды, туған жер, балалық шағыңыз, студенттік кезеңдерді Story Mаp көмегімен баяндап беріңіз. |
АЛДЫҢҒЫ САБАҚ: 3-модуль. 1-сабақ. Сторителлинг форматтарына шолу
КЕЛЕСІ САБАҚ: 3-модуль. 3-сабақ. Таймлайн
