Жеке өмірді қорғау мен қоғамдық мүдденің тең ортасы қандай? Төтенше жағдай кезінде мемлекеттің ұлттық қауіпсіздікті сақтау бойынша құзіреті қандай? Дербес деректерді қорғау туралы заң қалай өзгерді? Қазақстандықтардың дербес деректерін қорғау бойынша биыл қандай өзгеріс болмақ? Жеке өміріңіздің құпиясын қалай сақтауға және онлайн-алаяқтардан қалай қорғануға болады?

«Құқықтық медиа-орталық» қоғамдық қоры осы және тағы басқа сұрақтарды Privacy Week — 2022 алаңқайында талқылауға шақырады. Іс-шара 23-24 ақпанда (сағат 11:00-ден 16:00-ге дейін) өтеді.

Ұлттық және шетелдік сарапшылар, мемлекеттік орган өкілдері, журналистер мен құқыққорғаушылар қатысады. Талқылау, сөз сөйлеу, презентация, шеберлік сабақтары, видеосабақтар, бағалы сыйлықтар ойнатылатын куиз болады.

Қазақ тіліне синхронды аударма жасалады.

Онлайн іс-шара тікелей эфир форматында «Құқықтық медиа-орталық» ҚҚ-ның YouTube-арнасы мен Facebook-парақшасынан көрсетіледі. Келіңіз, қатысыңыз!