Қазақстан, Қырғызстан және Тәжікстанның медиа, ҮЕҰ және IT мамандары Медиа және әлеуметтік инновациялар лабораториясына қатысуға шақырылады.
Бұл — әлеуметтік мәселелер жөнінде жаңаша айтуды , оларды шешу үшін қоғамның назарын аударуды, әлеуметтік бастамаларды жүзеге асыру үшін сапалы қазіргі заманғы құралдарды жасауды үйренуге таптырмас айрықша мүмкіндік.
Медиа және әлеуметтік инновациялар лабораториясы 2015 жылғы 25-26 маусымда Бішкек қаласында (Қырғызстан) өтеді.
Медиа және әлеуметтік инновациялар лабораториясы – Internews АҚШ Халықаралық даму жөніндегі агенттігінің (USAID) қолдауымен жүзеге асырып отырған «Ақпаратқа қол жеткізуді қолдау» жобасының аясында өткізіледі.
Шараны ұйымдастырушы — Интерньюс Нетуорк Қырғыз Республикасындағы өкілдігі және «Клооп Медиа» қоғамдық қоры.
Өз қалаңыздағы, аймағыңыздағы, еліңіздегі мәселелерді онлайн қосымшалар, long read, картография, арнайы жобалар арқылы шешуге мүмкіндік беретін әлеуметтік онлайн-жобаларды жүзеге асыру үшін өтінімдер қабылданады. Әр елден үш өтінім, барлығы тоғыз өтінім іріктеліп алынады.
Медиа және әлеуметтік инновациялар лабораториясы барысында командалар өз өтінімдерін жетілдіріп, кәсіби менторлар көмегімен жұмыс істейтін жобаларға айналдырады.
Жұмыстар нәтижесі бойынша үздік онлайн-жобаға $2000 көлемінде кіші грант беріледі. Әзірленген жобалар ары қарай жетілдіріп, ілгерілетіп, тұрақтылығын қамтамасыз ету үшін Қазақстан, Қырғызстан және Тәжікстандағы медиасеріктестерге беріледі.
Үш елден барлығы 30 қатысушы іріктеліп алынады.
Интерньюс Нетуорк Қырғыз Республикасындағы өкілдігі барлық қатысушылардың ұшақ билетін, жол шығындарын, жатын орын және тамақтану шығындарын көтереді.
Қазақстан, Қырғызстан, Тәжікстанның медиамамандарынан, азаматтық сектор өкілдерінен, үкіметтік емес ұйымдарынан, мемлекеттік құрылымдарынан және ІТ мамандарынан өтінімдер қабылданады. Өтінім үлгісі.
Толтырылған өтінім үлгісін 2015 жылғы 29 мамырға дейін innovlab2015@gmail.com поштасына жолдаңыздар.
Байқау нәтижелері 2015 жылғы 10 маусымда internews.kg, newreporter.org және kloop.kg сайттарында жарияланады.
