Жаңа технологиялар көмегімен түрлі елдердегі әлеуметтік мәселелерді шешуге арналған жобалар көбейіп келеді. Картография сервистері, қосымшалар, лонгридтер, тағы басқа формадағы жобаларды арнайы мамандар қауымдастықтары, медиа, ынталылар, ІТ мамандары жүзеге асырады.
Айналаны мүгедектер арбасына таңылған адамдар, қоларба сүйреткен аналар үшін ыңғайлырақ етуге бола ма? barierov.net сайтында қай қалада қай орындарда пандустар мен арнайы көтергіш құралдар бар екенін қарап көре аласыздар. Қарапайым да пайдалы сервис!
Алыстан нашар көретіндерге көмектесуге бола ма? Болады! «Будь моими глазами» қосымшасының көмегімен. Бұл – көзі нашар көретін адамдардың түрлі жағдайларға байланысты сұрақтарына еріктілер жауап беріп отыратын чат.
Қаланы қалайша жақсартуға болады? Қостанай қаласында “Наша газета” басылымы kostanay.ng.kz мобильдік қосымшасын жасап шығарған — онда көшелердегі «қиын» тұстарды белгілеп, қаланың көрікті жерлері туралы айтып беруге болады.
Мұндай мысалдарды тізе беруге болады. Сіздің де жаңа технологиялар көмегімен нақты бір әлеуметтік мәселені шеше алатын идеяңыз бар шығар.
Ендеше, медиа- және әлеуметтік инновациялар лабораториясына қатысуға өтінім жіберіңіздер!
Media and Social Innovation Lab – бұл түрлі сала мамандарын (медиа мамандар, IT мамандары, белсенді азаматтар мен мемлекеттік қызметкерлер) Қазақстан, Қырғызстан және Тәжікстандағы әлеуметтік маңызы бар мәселелер мен қажеттіліктерді шешу жолдарын интернеттен іздеу мақсатында біріктіретін жоба.
Келіп түскен өтінімдер арасынан қазылар тоғыз жобаны іріктеп алып, солар бойынша жұмыс жүргізіледі. Ол жобалар — мобильдік қосымша, сайт, лонгрид, интерактив карта, арнайы жобалар болуы мүмкін. Дайын жобаларды Қазақстан, Қырғызстан және Тәжікстанның тоғыз медиа құралы қабылдап алып, жетілдіріп, дамытып, ілгерілетеді.
Қазақстан, Қырғызстан, Тәжікстанның медиа, үкіметтік емес ұйымдар өкілдерін, ІТ мамандарын Медиа- және әлеуметтік инновациялар лабораториясына қатысуға шақырамыз. Шара 2015 жылғы 25-26 маусымда Бішкек қаласында өтеді.
Толық ақпарат – мұнда.
