Бүкіл дүние жүзінің журналистері осы байқауға қатысуына болады.
Энтони Берджесс атындағы халықаралық қор британдық The Observer газетімен бірлесе отырып, өнер тақырыбында жазатын журналистерге Энтони Берджесс/The Observer жүлдесін (The Observer/Anthony Burgess Prize for Arts Journalism) тапсырады.
Жүлде жаңа өнер туындыларына арналған, бұған дейін жарияланбаған материал үшін беріледі. Байқауға ұсынылатын жұмыстар жазушы, суретші не музыкант туралы сұхбат немесе өмірбаяндық очерк, өнердегі жаңа ағым немесе бастама туралы эссе немесе фильм, концерт, балет, спектакль туралы шолу болуы мүмкін.
Байқауға ұсынылатын материалдар ағылшын тілінде жазылуы тиіс, ағылшын тіліне аударылған жұмыстар да қабылданады.
Жеңімпаз 2 000 фунт стерлинг көлемінде жүлдеге ие болады. Байқауға қатысу үшін 10 фунт стерлинг жарна төлеу керек.
Өтініштер 30 қарашаға дейін қабылданады.
