«Открытая Азия онлайн» мультимедиалы сайты жаңа интерактив сервис іске қосты, оның көмегімен әркім ҚР білім және ғылым министрі болып көре алады. Ойын өте қарапайым: қолданушы өзінің суретін жүктейді де, ұсынылған реформалар тізімінен өзі маңызды деп санайтын төртеуін таңдап алады.
Реформалар нұсқалары ретінде түрлі онлайн-медиа оқырмандары мен әлеуметтік желі қолданушылары пікірлерінде ең көп аталатын ұсыныстар жинақталған.
Қорытынды «бұйрықты» әлеуметтік желілерде жариялауға болады. «Мен министр болсам» деген интерактив сервис — Қостанайдағы«Алау» және Шымкенттегі «Отырар-TV» арналары қолданған онлайн ашықхаттардың бір нұсқасы.
Мұндай сервистерді жасау және қолдану ерекшеліктері туралы zanoza.kg сайтының ақпараттық технологиялар жөніндегі директоры, жоба әзірлеуші Николай Пихота айтып берді.
Николай: «Жасалу тәсілі жағынан — бұл біз бұрын жасаған интерактив ашықхат — адам бірнеше тармақты таңдайды, сол арқылы кейін сурет жасалады, оны әлеуметтік желілерде жариялауға болады. «Мен… болсам» — осы идеяның жалғасы іспетті.
Бұл жолы біз қолданушының сурет жүктеу фаунциясын және ашықхатты материалға Embed-код арқылы орнату мүмкіндігін қостық.
Дәл осындай ашықхатты үш күнде жасауға болады, ол үшін тек бағдарламашы және дизайнер керек. Мұндай ашықхаттар жасауға арналған дайын сервистерді білмеймін, сондықтан маманның көмегі керек. Кейін, сұраныс туып жатса, осындай дайын сервис жасап шығуымыз мүмкін.
Интерактив «қызықтарды» қолдану идеясы енді дамып келе жатыр, сондықтан да белгілі бір стандарттар немесе «үздік мысалдар» әзірге жоқ. Алайда, қандай да бір ережелер қазір жасалып жатыр.
Мысалы, ойыншықтың бірінші бетіндегі мәтіндер негізгі роль атқаратыны анық. Ол мәтін адам ары қарай өтіп ойнай ма, жалпы, осыған араласа ма, жоқ па — соны анықтайды.
Ашықхатта не жазылатынының нұсқалары да оның ары қарайғы вирустық таралуына қатты ықпал етеді — адам өзіне ұнаған нұсқаларын таппаса, оны әлеуметтік желіде жарияламайды да.
Бәрін дұрыс жасасаңыз, әсері де болады. Мынау — осындай интерактивті қолдану мысалы.
Zanoza ұсынған ойын. Өзіңнің жүргізушің мен хатшыңды лауазымды қызметке тағайында.
Әдетте осындай тақырыптағы материалдар мыңға тарта қаралым жинайды, мына ойын үш мың рет қаралды. Оған қоса 33 пікір жазылды. Қосымша бонус ретінде осы ойын туралы «Азаттық радиосының» сюжетінде айтылды. Демек, медиа қауымдастығы да осындай дүниелердің ерекше болатынын байқаған.
Қазір барлық БАҚ бір ғана форматтарды қолданып келеді, ал интерактив ойындар — басқалардан ерекшелену тәсілі болмақ».
