«Репортеры без границ» ұйымы Баспасөз еркіндігінің 2016 жылғы бүкіләлемдік индексін жариялады. Бұл индексте журналистика еркіндігі мен тәуелсіздігіне мемлекеттік билік, түрлі идеологиялар мен жеке мүдделер тарапынан жасалған шабуылдар көп болғанын көрсетеді.
Жергілікті журналистер әрекетінің еркіндік деңгейін танытатын тізімде әлемнің 180 еліндегі жағдай көрініс тапқан. Осы индекске сәйкес, ең еркін журналистер аймағы — Европа (19,8 пункт) болып келеді.
Европадан кейін (үлкен айырмамен) Африка (36,9) тұр, ол тіпті Америка (37,1) құрлығын да басып озғаны таң қалдырады. Латын Америкасында журналистерге қастандық жасау саны артып келеді. Бұдан кейінгі орында Азия (43,8) және Шығыс Европа мен Орталық Азия (48,4) орналасқан.
Таяу Шығыс пен Солтүстік Африка (50,8) журналистер құқықтары бәрінен аз сақталатын аймақтар болып келеді.
Индекстегі жоғарғы орындарда Солтүстік Европаның үш елі: Финляндия (2010 жылдан бері бірінші), Голландия (екінші, +2 позиция), Норвегия (үшінші, -1 позиция) тұр.
Индекстің ең соңғы орындарында Түркіменстан (178), Солтүстік Корея (179) және Эритрея (180) орналасқан.
Қырғызстан жаңа рейтингте 85-орын
Тәжікстан — 150-орын,
Қазақстан — 160-орын,
Өзбекстан — 166-орынды иеленді.
«Өкінішке қарай, мынандай тенденция байқалып отыр: көптеген мемлекет басшылары журналистердің заңды жұмысынан қорқа бастады», – деп мәлімдеді РБГ бас хатшысы Кристоф Делуар.
2002 жылдан бері «Репортеры без границ» ұйымының бастамасымен жыл сайын жарияланып келе жатқан Баспасөз еркіндігі индексі — журналистерді қорғаудың мемлекеттер арасындағы бәсекелестікке негізделген басты құралы. Осы ұйымның абыройы мен беделі оның медиаға, билікке және халықаралық ұйымдарға нәдеуір ықпал етуіне мүмкіндік беріп отыр.
