Дискуссия:
- Журнал туралы не білесіздер?
- Карикатураны жариялағаны туралы не ойлайсыздар?
- Бұқаралық-медиада бұндай карикатураларды қолдану қоғам үшін қаншалықты қауіпті?
2. Қазақстандық фигурист Денис Тен туралы әлеуметтік желідегі жазба.
Сот математика мұғалімінің Денис Тенді өлтіргендерді қолдаған желідегі жазбасы үшін 4 жылға бас бостандығын шектеген. «Қайдағы бір қытайды сонша жоқтаудың қажеті қанша. Ал оны өлтіргендер жарадыңдар». Бүкіл ел болып аты аңызға айналған фигуристі жоқтап жатқанда, бұл барлық қоғамның наразылығын тудырды».
Кейінірек ауыл мұғалімі бұл жазбасы үшін өкінетіндігін, Д.Теннің кім екендігін білмегендігін айтып, қаза болған адамның туғандарынан, басқа да қазақстандықтардан кешірім сұрады.
Дискуссия:
- Сіз БАҚ-тағы мақалалар мен жоғарыда келтірілген кейстер туралы не ойлайсыз?
4-ҚАДАМ. Материалды бекіту. «Мәдениетаралық диалог» плакатын жасау (10 минут)
Жаһандану мен ақпараттық-коммуникация технологияларының дамыған заманында адамзат баласы ақпарат пен білімге мейлінше қарық болып қалды, бірақ кез келген шиеленістің, конфликтінің алдын алуға жетелейтін, сөйтіп бәрінің қауіпсіз әлемде үйлесімділікте өмір сүру мүмкіндігін беретін даналық бәрібір жетіспейді. Сол себепті де, ЮНЕСКО-ның мәдениеттердің әртектілігі туралы Жалпыға ортақ декларациясының принциптеріне сәйкес диалогқа бастайтын, күш көрсетуге емес, мәдениеттердің тоғысуына, жақындасуына ықпал ететін құндылықтарды, көзқарастар мен қылықтарды таратудың маңызы өте жоғары. ЮНЕСКО-ның Жалпыға ортақ декларациясының негізгі принциптері:
«Демократиямен тығыз байланысты мәдени плюрализм қоғамның тіршілік тамырына нәр беретін мәдени тоғысу мен шығармашылық мүмкіндіктердің тамырын тереңге жаюына қолайлы жағдай тудырады» (2 бап. «Мәдени әртектіліктен мәдени плюрализмге») (7).
Тапсырма:
Мәдениетаралық коммуникация тақырыбына арналған плакаттар байқауы. Студенттер 3 топқа бірігіп, «Мәдениетаралық диалог» атты плакатты жасап, тұсауын кесу үшін бірігеді.
