30 сәуір күні сағат 20.00 Олег Хоменоктың «Google Fusion Tables және BatchGeo көмегімен интерактив карталар жасау» тақырыбында вебинары өтеді.
Қатысушылар деректер жинағын олардың орналасу орнына қатысты визуалдауға мүмкіндік беретін интерактив карта жасау жөнінде білім алып, машықтанады.
- Карталардың көмегімен қандай ақпаратты визуалдай аламыз?
- Картаға ендіру үшін бізге қандай форматтағы деректер керек?
- Деректерді Fusion Tables немесе BatchGeo кестелеріне енгізу.
- Деректердің карталарда көрініс табуы және оларды сайтта орналастыру.
Тренер жөнінде ақпарат
Олег Хоменок, медиаэксперт, журналистика жөніндегі тренер, медиаменеджмент жөніндегі кеңесші, Зерттеуші журналистердің ғаламдық желісі кеңесінің мүшесі, Internews Network медиа мәселелері жөніндегі аға кеңесшісі, 2003 жылдан бері Украинадағы SCOOP журналистік зерттеулер жобасының үйлестірушісі.
Журналистикада 1992 жылдан бері, баспасөзде және ақпарат агенттіктерінде жұмыс істеген.
Сертификаты бар тренер және FOJO (Kalmar, Sweden), World Bank Institute, BBC World Service Trust және NewsPlex of South Carolina University журналистика және газет менеджменті жөніндегі кеңесшісі.
1998 жылдан бері зерттеу журналистикасы, жаңа медиа, журналистика негіздері, медиаменеджмент, медиа мен баспасөз қызметінің өзара серіктестігі және өзге де тақырыптар бойынша үш жүзден астам тренинг өткізген.
Тегін вебинарға қатысу үшін сілтемемен өтіп тіркелу керек. Назар аударыңыз! Вебинарға тек Google Chrome, FireFox, Opera браузерлерінен кіре аласыз.
Вебинарға тиімді қатысу үшін Google аккаунтыңыз бар екеніне, компьютерде Excel орнатылғанына көз жеткізіңіз және Dropbox-та тіркеліңіз.
«Google Fusion Tables және BatchGeo көмегімен интерактив карталар жасау» тақырыбындғы вебинарды Internews Network өкілдігі ақпаратқа қол жеткізуді қолдау жобасы аясында, АҚШ Халықаралық даму жөніндегі агенттігінің (USAID) қаржылай көмегі арқасында ұйымдастырды.
