Орталық Азиядағы Internews Network өкілдігі «Отырар» телевизия арнасына үйрену турына қатысу үшін кәсіби журналистер, редакторлар мен продюсерлер арасында байқау жариялайды.

Мақсаты — конвергенттік журналистика саласында тәжірибе алмасу.

Тур АҚШ халықаралық даму жөніндегі агенттігінің (USAID) қолдауымен Қазақстан, Қырғызстан мен Тәжікстандағы «Ақпаратқа қол жеткізуді қолдау» аймақтық бағдарламасы аясында өткізіледі.

Үйрену туры тәжірибе алмасу, қатысушы БАҚ үшін конвергенттік редакция құру және дамыту жөніндегі технологиялық және ұйымдастырушылық көмек көрсетілуін көздейді.

Қазақстан, Қырғызстан және Тәжікстанның

• бұқаралық ақпарат құралдарында 3 жылдан кем емес жұмыс тәжірибесі бар;
• өтінім беру кезінде тәуелсіз бұқаралық ақпарат құралдарының бірінде штаттағы журналист, редактор немесе продюсер болып қызмет атқаратын;
• білгісі, үйренгісі келетін кәсіби медиа қызметкерлерін шақырамыз.

Байқау шарттары:
Өтінім үлгісін толтыру.
Өтінімді 2015 жылғы 6 сәуірге дейін Internews Network өкілдігіне osa.oxa@gmail.com поштасына жолдау.

Байқау нәтижелері бойынша әр елден бес қатысушы іріктеліп алынады. Қазақстандық қатысушылар Шымкент қаласына дейінгі жол шығынын өздері көтереді. Тур барысындағы жатын орын мен тамақтану шығындарын ұйымдастырушылар өтейді.