«Правовой медиа-центр» қоғамдық қоры және БҰҰ Балалар қоры (ЮНИСЕФ) Қызылорда аймағының журналистеріне арналған «Жетімдік мәселелерін жариялаудағы және балалардан бас тартудың алдын алудағы этикалық принциптер» тақырыбында семинар-тренинг өткізетінін хабарлайды.
Тренингте қозғалатын негізгі тақырыптар – балалардан бас тартудың алдын алудағы масс-медианың ролі, қазақстандық және шетелдік ұйымдардың тәжірибесі, ағымдағы жағдайға журналистік материалдардың ықпалы, ата-ана қамқорлығынсыз қалған балалар жөніндегі материалдардың стилистикасы, тағы басқа.
Семинар спикерлері — эксперттер Анна Белокрыльцева (Мәскеу), Марианна Гурина (Алматы), Гүлмира Сұлтанбаева (Алматы) және ЮНИСЕФ пен «Правовой медиа-центр» ҚҚ өкілдері.
Тренинг 15-16 сәуір күндері Қызылорда қаласында «Номад-Палас» қонақүйінің конференц-залында өтеді. Қатысуға Қызылорда облысының (қала, аудан орталықтары) осы тақырыпта маманданып жүрген журналистері шақырылады.
Тренинг қазақ және орыс тілдерінде қатар өтеді.
Қатысушылардың жолақысын, тренинг барысындағы тұрғын жай және тамақтану ақысын ұйымдастырушылар көтереді.
Үміткердің аты-жөні, байланыс ақпараты және қатысу негіздемесі көрсетілген өтінімдерді мына мекен жайға жолдауға mediastana@gmail.com, немесе 10 сәуірге дейін lmc.kz сайтындағы өтінім үлгісін толтыруға болады.
