«Правовой медиа-центр» Қоғамдық қоры 25 сәуір күні Петропавл қаласында «Журналистің интернеттегі құқықтық қауіпсіздігі» тақырыбында тренинг өткізетінін хабарлайды.
Тренинг Қазақстандағы АҚШ елшілігінің қолдауымен өткізіледі, мақсаты — журналистерді желідегі құқықтық сауаттылыққа үйрету, интернет жөніндегі заңнама бойынша халықаралық тәжірибемен, желіде жұмыс істеудің этикалық стандарттарымен, жеке бас деректерін сақтау ережелерімен таныстыру.
Тренерлер — Гүлмира Біржанова және Диана Окремова («Правовой медиа-центр» ҚҚ).
Тренингке Петропавл қаласынан және жақын орналасқан елді мекендерден ҮЕҰ өкілдері, журналистер, журналистика факультетінің студенттері шақырылады.
Тренинг 2015 жылғы 25 сәуірде «Скиф» қонақүйінде өтеді.
Қатысуға өтінімді мына сілтеме бойынша толтыруға — lmc.kz немесе еркін түрде жазып mediastana@gmail.com поштасына жолдауға болады.
