Life2film.com — видеороликтерден автоматты түрде фильм жасауға арналған орыс тіліндегі тегін сервис.
Сайтқа видео (MOV, AVI форматында) жүктеу үшін Вконтакте, Фейсбук, инстаграмм, твиттер және басқа да әлеуметтік желілердегі аккаунт көмегімен тіркелу қажет.
Фильмге дыбыстық әр беретін музыка өзіңізде болмаса, сервис жинақтан қажетін таңдауды ұсынады. Назар аударыңыз: видео таңдалған композицияның музыкалық ырғағы негізінде автоматты түрде монтаждалады.
Әр фрагментке 1.5-3 секундтан клип ретінде кесіледі. Музыка неғұрлым жылдам болса, бөлшектер де жылдам ауысады. Ұзақтығы бір минут видео шығару үшін жүйе әрқайсысы екі секундтан отыз алуан план фрагмент табуы тиіс.
Бағдарлама қалай жұмыс істейді?
Алгоритм бастапқы файлдан ең жақсы фрагменттерді іздейді. Ол кадрде адамдарды, қимыл-қозғалысты, түс қамтуын және басқаларды іздейді.
Роликтерді жүктегеннен кейін фильтр қосып, фильмнің атауы мен сипаттамасын жазуға болады. Видеоның қорытынды өлшемі — 480p.
Ұқсас бағдарламалар: Magisto автоматты видеомонтаж сервисі, фотосуреттерден жылдам видеоролик жасауға арналған сервис — Animoto.
