Бұқаралық ақпарат құралдарындағы маңызды жаңалықтар кей адамдарға жұртшылықты өтірік суреттермен алдауға деген ой салады. Сондықтан да, әр журналист фотосурет пен видеоның шынайы екенін тқалай тексеруді білуі тиіс.

Huffington Post-қа арналған әлеуметтік жаңалықтар редакторы Дженкинс пен OpenFile.ca редакциясының директоры және Regret the Error кітабының авторы Сильверманның суретті тексеру жөніндегі кеңестерін назарларыңызға ұсынамыз:

1. Алдымен, exif (exchangeable image file format) файлында суретке қандай ақпарат қоса берілетінін біліп алыңыз, мысалы  мұндағы сияқты.
2. Фотосуреттің өңделген-өңделмегенін тексеріңіз. Суреттің түпнұсқа екенін анықтау үшін  Image Error Level Analyzer сайтын қолдаңыз. Ол фотосуреттің сапасын негізге ала отырып, ол өңделген-өңделмегенін анықтайды — jpeg форматында сақталған фотолар қайта сақталған сайын сапасы кемиді; әлдекім фотосуреттерді бір бөліктің үстіне басқа бөлік салса, суреттердің сапа деңгейі әр түрлі болады.
3. Фотосурет жасалды деген жерді сол ауданның картасымен және басқа да қолда бар суреттерімен салыстырыңыз. Суретте кескінделген жағдайлар көрсетілген уақытпен және датамен сәйкес келетініне көз жеткізу үшін метеоқызмет деректері мен көлеңкелерді зерттеп шығыңыз.
4. Сурет сонда айтылған оқиғаға сәйкес келетініне көз жеткізу үшін адамдардың киімдерін, ғимараттарды, жазулардың тілін, көліктердің номерлерін, фото мен видеодағы басқа да элементтерді тексеріп шығыңыз.
5. Сурет авторының тарихын және оның орналасқан онын көріңіз. Бұл оның қолында сенімді контент бар-жоғын тексеруге мүмкіндік береді — мүмкін ол оны өзгелерден алып жүрген шығар.
6. Бұл фотографтың сіз тексеріп отырған фотоға дейін және одан кейін түсірген, салыстырып қарауға болатын суреттері бар ма?
7. Фотографпен телефон немесе Skype арқылы хабарласып, сурет тұралы сұраңыз. Адам сізбен тікелей сөйлесіп отырған кезде өтіріп айту ықтималдығы төмен.
8. Ұрымтал тұстан түсірілген сәтті суреттен абай болыңыз. Ол шын болу үшін тым жақсы болса, шынымен солай болуы мүмкін.
9.  TinEye кері іздеу жүйесін қолданыңыз, ол сурет қайдан шыққанын, осыған дейін қалай қолданылғанын, суреттің түрленген нұсқалары бар-жоғын анықтап береді.