Дүние жүзінің тәжірибелі және жаңа бастаушы фотографтары грант алу үшін байқауға қатысуына болады.
Луис Валтуэнья атындағы халықаралық фотография байқауын Médicos del Mundo (“Әлем дәрігерлері”) ұйымы өткізеді. Байқау гуманитарлық ұйымдар қызметіне арналады және 1997 жылы Руанда мен 1995 жылы Боснияда кісі қолынан қаза тапқан Луис Валтуэньа, Флорс Сирера, Мануэл Мадрасо және Мерседес Наварро есімді гуманитарлық ұйымдар қызметкерлеріне бағышталады.
Байқауға қатысатын фотосуреттер мына тақырыптардың біріне арналуы тиіс: гуманитарлық қызмет, халықаралық серіктестік және әлеуметтік теңсіздік, адам құқықтарының бұзылуы, қарулы қақтығыстар, табиғат апаттары, босқындар мен иммигранттар мәселелері, халықтың әлжуаз топтары және тағы басқа.
Әр қатысушы он түрлі-түсті немесе ақ-қара фотосурет ұсына алады. Байқауға 2013 жылғы қаңтар мен 2015 жылғы қазан аралығында жасалған фотосуреттер қабылданады. Бұдан бұрын да байқауға жолданған суреттер қабылданбайды.
Байқаудың бас жүлдесі – 6 000 евро көлеміндегі грант Médicos del Mundo қызметіне қатысы бар фотожоба жасауға арналады.
Өтініштер 9 қарашаға дейін қабылданады.
