III MediaCAMP Эдьютон — 2022 инновациялық семинарында ғылым кандидаты, медиаконсультант, «Журналистерге арналған медиасауат» оқу құралының авторы Дильфуза Мирзахмедова (Өзбекстан) «Edutainment — аудиторияны оқыту және тарту үшін ойын технологияларын қолданып, ақпарат беру» деген тақырып бойынша ашық сессия өткізді. Ол эдьютейнменттің не түсіндіріп, артықшылығын, ұрпақтар теориясы мен коммуникация прогрессінің модельдері туралы айтты. Оның баяндамасынан негізгі тезистерді ұсынамыз.
Edutainment дегеніміз не?
Education + entertainment — ойын-сауық технологиялары арқылы оқыту, ақпарат беру.
Walt Disney (1954) миссияларының бірі бұл бағытты медиа саласында ерекше танымал етті. Онда ойын-сауық арқылы оқыту керек, деп жазылған. Компания медиаөнімдерінің барлығы осы миссияға негізделіп, жасалады.
Edutainment артықшылығы неде?
Мұның кәдімгі білім беру контентінен қандай айырмасы бар?
- Аудитория тартуды жақсартады
- Ойынға негізделген
- Визуализацияны күшейтеді
- Әмбебап
- Икемді
- Көптеген ақпаратты онлайн алу
- Үйрену оңай, soft skills-ке мейлінше бейім
- Құрылымы көрнекі болған соң гипотетикалық элементтер қолдануға болады
- Кез келген уақытта, кез келген жерде оқуға болады
Edutainment — коммуникация процессі. Мына үш компоненттен тұрады:
- БАҚ — Аудитория
- БАҚ — Журналистер
- Аудитория — БАҚ
БАҚ — Аудитория моделі. Бұл модель 2020 жылы басталды. Негізгі мақсаты — жұрттың назарын аударту және медиа тартымдылығын арттыру.
Аудитория — БАҚ моделі. Бұл — медиаресурс, БАҚ айналасынан қауымдастық құру, оның бренд, продукт ретінде дамуы. Мұның бәрі жобаның тұрақты дамуын қамтамасыз етеді. Қазір БАҚ үшін медиақауымдастықтар өте маңызды әрі танымал болып жатыр.
БАҚ — Журналистер моделі. БАҚ өз әлеуетін дамытуға ұмтылады, журналистер өзін–өзі жетілдіреді, редакция ашық ресурстарды мейлінше пайдаланады.
Бұл жоба АҚШ Халықаралық даму агенттігінің (USAID) қолдауымен Орталық Азияның MediaCAMP бағдарламасы аясында жүзеге асады.
