Google шығарған жаңа autodraw.com құралының көмегімен, дизайнға қабілетіңіз жоқ болса да, сапалы, кәсіби деңгейдегі суреттерді (шағын көрнекіліктер, белгішелер) сала аласыз.
autodraw.com жинағы бар-жоғы бірнеше батырмадан тұрады — мәтін, қарындаш, бояу, фигуралар. Ең қызығы — жұлдызшалары бар қарындаш батырмасы.
Нобайын ғана салған шимайыңызды түсінікті суретке айналдыратын да сол батырма.
Сіз әлденені нобайлап сызып отырғанда, мәзірдің жоғарғы бөлігінде нұсқалары ұсынылатын жолақ пайда болады.
Қажетін таңдап, бояу керек болса — бояйсыз, сөйтіп көрнекілік дайын болады.
Видеоға назар аударыңыз:
Шыққан нәтижені көшіріп алуға немесе әлеуметтік желілерде ортаға салуға болады.
Storymaps.arcgis.com — орыс тіліндегі қарапайым, тегін онлайн-құрал. Оның көмегімен оқиға тарихын оның географиялық орнына байланыстына отырып баяндай аласыз.
Оқиғаны картада баяндау географиялық нүктелерді мультимедиалық мазмұнмен ұштастыруға мүмкіндік береді. Олардың көмегімен оқиғаны баяндап беру үшін карталардың бар мүмкіндігін пайдалануға болады.
ArcGIS аясында Esri Story Maps өз картаңызды жасау үшін әлемдік картографиялық ГИС-платформасының бар қуатын пайдалануға мүмкіндік береді.
Оның көрінісі мынандай болады:
Немесе мынандай:
Құрал бірнеше формат ұсынады, олармен жұмыс істеу оңай. Шыққан нәтижені HTML-код арқылы сайтқа орнатуға немесе әлеуметтік желілерде ортаға салуға болады.
Storymaps.arcgis.com жұұмыс бастау үшін тіркелу немесе Facebook әлде Google+ аккаунтыңызды көрсетіп кіру керек.
Содан кейін оқиғаны баяндау форматын таңдайсыз.
Күмәнданып тұрсаңыз, сервис сізге дәл қайсы керек екенін таңдап береді.
Содан кейін тақырыбын көрсетіп, мультимедиалық файлдарыңызды жүктейсіз.
Содан кейін жазғаныңызды тек өзіңіз көретін, не басқаларға ортақ етіп белгілей аласыз.
«ЛИВЕНЬ. Living Asia»сайтының «Ecofriendly» айдарында табиғатқа қамқорлықпен қарау жолдары айтылады. Солардың арасында телефоныңызға орнатылатын 9 мобайл қосымша туралы материалды назарларыңызға ұсынамыз.
DIRTY DOZEN
Приложение исследовательской организации EWG зерттеу ұйымы жасаған қосымша азық-түлік өнімдеріндегі пестицидтер мөлшерін анықтап қана қоймай, өзі де «таза», пестицидтер әсеріне төзімді тағамдар тізімін ұсынады.
EWG (The EnvironmentalWorkingGroup) — америкалық коммерциялық емес құқық қорғау ұйымы, жыл сайын токсиндермен зарарланған жемістер мен көкөністер статистикасын жариялап отырады.
iTunes: DIRTY DOZEN
Android: DIRTY DOZEN
ECOKIDS
Белорус програмистері әзірлеген қосымша балаларға арналада. «Ecokids» ойнай отырып, бала қалдықтарды дұрыс сұрыптауды, су мен электр энергиясын үнемдеуді. қоршаған ортаға қамқорлықпен қарауды үйренеді.
iTunes: ECOKIDS
Android: ECOKIDS
GO GREEN
«Жасыл» өмір салтын ұстана бастағандарға бұл қосымшаның пайдасы зор — ол ecofriendly аталатындардың қатарынан табылуға көмектеседі. Қосымша іске қосылған сайын қарапайым, алайда күнделікті өмірде қолдануға болатын кеңес береді.
iTunes: GO GREEN
Android: GO GREEN
РАЗДЕЛЬНЫЙ СБОР
Бағдарлама қалдықтың қай түрі қаншалықты өңделетіні туралы ақпарат беріп қана қоймай, қоқыс тастаудың кестесін күні мен аптасына қарай жасап қоюға мүмкіндік береді. Ал қандай да бір қоқыс уақытында жойылғаны туралы хабарлама келіп тұрады.
iTunes: РАЗДЕЛЬНЫЙ СБОР
EARTH-NOW
NASA әзірлеген осы қосымшаның көмегімен кез келген адам Earth Science сериялы жер серіктерінен түсетін климат өзгеруі туралы деректерді онлайн режимде қадағалап отыруына болады. Экранда Жердің үш өлшемді суреті пайда болады, соны айналдырып отырып, ауа температурасы, көмірқышқыл газы, озон, су буы температуралары көрссетілетін карталармен танысып, сонымен қатар, жердің тартылыс күші, теңіз деңгейі және оның тұздылығындағы өзгерістер қандай екенін біліп отыруына болады.
Өсімдіктің жапырағын суретке түсіріп алсаңыз, америкалық университеттер ғалымдары жасаған қосымша ол қай өсімдік және сипаты қандай екенін көрсетіп береді.
iTunes: LEAFSNAP
LOSS OF THE NIGHT
Қосымшаны көшіріп алсаңыз, аспандағы жұлдыздардың көрінуі және түнгі аспанның жарықпен ластануын бағалау үшін ойлап табылған краудсворгиң жобасына ат салыса аласыз.
Жарықпен ластануы астрономиялық бақылауды қиындатып, тірі организмдерге зиянын тигізеді. Ол жарықтың көзі — қала тірлігі элементтері.
Сіз жұлдыз шоғырларын іздеп, түнгі аспан көрінісінің картасын өзіңіз де жасай аласыз — бұл деректер ғалымдардың зерттеулеріне көмек болады. Он мыңнан астам адам осы қосымша арқылы ғылым мен экологияға көмегін тигізіп отыр — зерттеу нәтижелері арнайы блогта жарияланып отырады.
«Беллона» құқық қорғау орталығы «Экология и право» журналын және осы аттас электрон нұсқа шығарып келеді. Басылым азаматтардың экология саласындағы құқығына баса мән береді.
iTunes: ЭКОЛОГИЯ И ПРАВО
Andrioid: ЭКОЛОГИЯ И ПРАВО
ECOCHALLENGE
Қосымшаның интерактив форматы қарапайым адамға тұрақты даму ұстанымдары деген не екенін және өзіңнің қоршаған ортаға тигізетін ықпалын қалай азайтуға болатынын түсінуге көмектеседі.
iTunes: ECOCHALLENGE
Android: ECOCHALLENGE
LIGHTSMART
Энергия үнемдейтін шамдарды пайдалануға көшкісі келетіндерге арналған қосымша. Бөлмедегі жарық қалай өзгеретінін бағалауға фото-функция көмектеседі. Қоса орнатылған калькулятор жұмсалатын ақшаның есебін шығарады. Сол қосымшаның өзінде энергия үнемдеудің негіздерін, шамдардың түрін зерттеп, тұрмыста жаңалық енгізу үшін сатып алатын заттардың тізімін жасауға болады.
Вебинарға қатысу үшін мына техникалық талаптарды орындаңыз:
1. Компьютеріңізге Google Chrome, FireFox, Safari немесе Opera браузерлерінің бірінің соңғы нұсқасын орнатыңыз. Браузерде Adobe Flash Player соңғы нұсқасы тұруы тиіс. Google Chrome браузерінде Flash Player өздігінен орнатылған.
2. Интернет байланысыңыздың жылдамдығы жеткілікті болуын қадағалаңыз. Вебинарға қосылу үшін қажет ең аз жылдамдық — 1Mb. Ыңғайлы жұмыс істеу үшін ұсынылатын жылдамдық — 2Mb бастап (жылдамдық төмен болса, вебинар жүргізуші видеороликтер, графикасы көп презентациялар, жұмыс столының бетін және басқа да вижуал материалдарды көрсеткенде дыбыс және видео кідірістері болуы мүмкін). Интернет жылдамдығын мына парақтан тексеруге болады: http://www.speedtest.net/.
3. Интернетке корпоратив желіден шығып отырған болсаңыз, желі администраторына жүгініп, 1935, 80, 443 портын ашқызып алыңыз.
4. Вебинарға өту үшін осы беттегі сілтемемен өтіп, «Войти в вебинар» батырмасын басып, деректеріңізді көрсетіп, қолданушы келісімі тұсында белгі қою керек.
5. Вебинарға планшеттен кіретін болсаңыз, Google Chrome немесе Puffin Browse браузерлерін қолданған жөн болады.
«Интернет-редакция жұмысын ұйымдастыру: басты қадамдар» тақырыбында қазақ тіліндегі тегін вебинарды Internews Network өкілдігі ақпаратқа қол жеткізуді қолдау жобасы аясында, АҚШ халықаралық даму жөніндегі агенттігінің (USAID) көмегімен ұйымдастырды.
Үш жылдық және одан да көп жұмыс тәжірибесі бар, карьерасын дамытып келе жатқан журналистерге арналған «Оқиғаларды жариялауда ғаламдық медиа стандарттарын қолдану» мастер-класстар цикліне қатысуға өтініштер қабылдау басталды.
Мастер-класс «Перспективы» біліктілікті арттыру бағдарламасы аясында өткізіледі. Мастер-кластардың мақсаты — журналистердің мәтін жазу және интервью әзірлеудегі, сондай-ақ, цифрлік дәуірде ақпарат таратудағы кәсіби дағдыларын дамытуға ықпал ету.
Мастер-кластар циклінің сипаттамасы
Мастер-кластар циклінің басты бағыттары — Рейтер агенттігінде және ғаламдық медиа ақпарат қызметтерінде қолданылатын халықаралық кәсіби стандарттарға сай түрлі форматтарда мәтін жазуды үйрету болады.
Мастер-кластар бағдарламасының негізін мәтін жазудағы нақтылық, объективтілік, шапшаңдық, анықтық пен құрылым сынды базалық журналистік машықтарды және мәтін дайындаудың негізгі принциптерін жақсартуға бағытталған практикалық жаттығулар құрамақ. Сонымен қатар қатысушылар мультимедиалық құралдарды және материалын әлеуметтік желілер мен цифрлік медиада ілгері жылжыту техникаларын да оқып-үйренеді.
Мастер-кластар журналистерге өзінің күшті және әлсіз тұстарын анықтап, тәжірибелі тренерлер мен менторлардың жетекшілігімен қажет машықтарды дамытуға көмектеседі.
2017 жылғы көктемде мастер-кластар мына күндері өтеді:
21-23 сәуір: «Жаңалықтар мен репортаждар жазуда ғаламдық медиа стандарттарын қолдану»
20-21 мамыр: «Цифрлік дәуір БАҚ дерек көздерімен жұмыс және интервью әзірлеу».
Іріктеу байқауына:
үш жылдан кем емес жұмыс тәжірибесі бар және карьерасын дамытып келе жатқан журналистер
келешекте мамандығы бойынша жұмыс істеймін деген айқын мақсаты бар журналистер
кез келген БАҚ (баспа, радио, телевизия, онлайн) штатта және штаттан тыс жұмыс істейтін журналистер
кәсіби журналистік білімі немесе БАҚ жұмыс тәжірибесі бар блогерлер
Ресейде, Шығыс Европа немесе Орталық Азия елдерінде орыс тілінде шығатын БАҚ жұмыс істейтін, орыс тілін жетік меңгерген жуналистер шақырылады.
Қосымша ақпарат:
Мастер-кластар орыс тілінде жүреді.
Қатысу тегін.
Бағдарлама шарты бойынша, екі мастер-класқа да қатысу керек.
Өзге қалалардан келетін қатысушылардың бар шығынын ұйымдастырушылар көтереді.
Сайтқа, телевизияға, әлеуметтік желілерге арнап мобайл құрылғы көмегімен видео жазатын болсаңыз, міндетті түрде BIGVU teleprompter (iPhone немесе Android) тегін қосымшасын — реал уақыт режиміндегі көмекші-суфлер орнатып алыңыз.
Онымен қажет мәтінді, атауларды, адам аттарын жылдам еске түсіре аласыз.
Қосымша қалай жұмыс істейді?
Көшіріп алғаннан кейін тіркелу немесе Facebook, Google+ аккаунттарыңыздың бірін көрсетіп кіру қажет болады.
Содан кейін «Скрипт» батырмасын басып, тақырыбынан бастап, түгел мәтініңізді жазасыз.
Құсбелгіні басамыз — дайын! Бірнеше секундтан кейін видео жазуды бастай беруге болады.
Сіз мәтінді жазылып жатқан видеоның үстінен көріп отырасыз. Әрине, ақырғы жобада ол жазулар көрінбейді.
Жазып болғаннан кейін дайын видеоны сақтап, экспорттап, жариялауға болады.
Назар аударыңыз: баптамаларында бір минутта жүріп өтетін сөздер санын анықтайтын қызмет, видео сапасын жақсарту мүмкіндігі бар.
2017 жылғы 16 наурызда сағат марта 17.00-де «Тильда Паблишинг. Лонгридтер мен арнайы жобалар жасауға арналған платформа» тақырыбында эксклюзив вебинар өтеді. Вебинарды Tilda Publishing дизайнері Ира Смирнова жүргізеді.
— Кіріспе. Тильда деген не
— Тильданы редакцияларда қолдану мысалдары
— Қолданудың мүмкін сценарийлері
— Беттеу жөніндегі кеңестер
— Тильда оқырмандар назарын ұстап тұруға қалай көмектесе алады
— Тильданың ішкі құрылысы, интерфейсіне щолу.
Вебинарға қатысу үшін мына техникалық талаптарды орындаңыз:
1. Компьютеріңізге Google Chrome, FireFox, Safari немесе Opera браузерлерінің бірінің соңғы нұсқасын орнатыңыз. Браузерде Adobe Flash Player соңғы нұсқасы тұруы тиіс. Google Chrome браузерінде Flash Player өздігінен орнатылған.
2. Интернет байланысыңыздың жылдамдығы жеткілікті болуын қадағалаңыз. Вебинарға қосылу үшін қажет ең аз жылдамдық — 1Mb. Ыңғайлы жұмыс істеу үшін ұсынылатын жылдамдық — 2Mb бастап (жылдамдық төмен болса, вебинар жүргізуші видеороликтер, графикасы көп презентациялар, жұмыс столының бетін және басқа да вижуал материалдарды көрсеткенде дыбыс және видео кідірістері болуы мүмкін). Интернет жылдамдығын мына парақтан тексеруге болады: http://www.speedtest.net/.
3. Интернетке корпоратив желіден шығып отырған болсаңыз, желі администраторына жүгініп, 1935, 80, 443 портын ашқызып алыңыз.
4. Вебинарға өту үшін осы беттегі сілтемемен өтіп, «Войти в вебинар» батырмасын басып, деректеріңізді көрсетіп, қолданушы келісімі тұсында белгі қою керек.
5. Вебинарға планшеттен кіретін болсаңыз, Google Chrome немесе Puffin Browse браузерлерін қолданған жөн болады.
«Тильда Паблишинг. Лонгридтер мен арнайы жобалар жасауға арналған платформа» тақырыбындағы вебинарды Internews Network өкілдігі ақпаратқа қол жеткізуді қолдау жобасы аясында, АҚШ халықаралық даму жөніндегі агенттігінің (USAID) көмегімен ұйымдастырды.
Орталық Азиядағы Internews Network өкілдігі БАҚ, ҮЕҰ және ЖОО арасында newreporter.org сайтын жекеменшікке өткізіп беру жөнінде байқау өткізеді.
Новый репортер – Орталық Азиядағы жаңа медиа, конвергент журналистика, ақпаратты жеткізудің мультимедиалық тәсілдері, жаңа онлайн құралдар мен оларды қолдану жөніндегі кеңестер туралы төрт тілдегі (орыс, қазақ, қырғыз және тәжік) жалғыз онлайн алаң.
«Новый репортер» жобасы АҚШ Халықаралық даму агенттігі (USAID) қолдауымен Орталық Азияда жүргізетін «Ақпаратқа қол жеткізуді» қолдау жобасы аясында жүзеге асырылады.
newreporter.org аудиториясы:
медиақауымдастық (баспагерлер, редакторлар, журналистер, дизайнерлер, интернет-маркетологтар, SMM-мамандар, блогерлер, журналистика факультеттерінің студенттері), бағыты — Орталық Азия өңірі елдерінің медианарығы.
Тақырыптары:
Редакциялардың жаңа форматтардағы жұмысы жөнінде материалдар
Баспа БАҚ сәтті интерактив қосымшалары
Визуализация
Дата-журналистика
Интернет-жобаларды монетизациялау әдістері
Сторителлинг
Эксперттердің жаңа медиа және әлеуметтік жобалар жөніндегі практикалық кеңестері
Медиа құралдарының бір-бірімен және аудиториямен қарым-қатынас жасау мысалдары
Медианы әлеуметтік желілерде ілгерілету. Мысалдар, эксперттер кеңесі, зерттеулер
Медиа мамандарына арналған гаджеттерге шолу
Медиа маманы не оқуы керек
Медиа маманы не көруі керек
Медиа маманы қайдан не үйрене алады
Құралдар мен қосымшалар
Медиа мамандарының жұмысында қолданылатын жаңа құралдар мен сервистерге шолу және тестілеу.
Байқау/семинарлар
Медиа мамандарына арналған байқаулар, гранттар, семинарлар мен стипениялар туралы материалдар. –
Вакансия
Орталық Азия елдер медианарығындағы жұмыс орындары туралы ақпарат.
Ресурсты жекеменшікке өткізіп беру шарттары
Үміркет ретінде Қазақстан, Қырғызстан және Тәжікстанның
Ресми тіркелген;
Журналистикадағы этика және жауапкершілік ұстанымдарына адалдық танытып жүрген;
Қаржы және менеджмент тұрғысынан әлеуеті мол, бәсекеге қабілетті және тұрақты;
Жұмысында жаңа медиа құралдарын қолданатын;
Ресурсты төрт тілде жүргізуге мүмкіндігі және ниеті бар
БАҚ, ҮЕҰ және ЖОО қарастырылады.
Байқау жеңімпазына Internews Network өкілдігі бастапқы кезеңде сайтты жүргізуге аздаған грант ұсынады.
редакция жобаны дамытуға өз қаражатын құяды деп күтіледі.
newreporter.org сайтымен қоса, меншік иесі «Новый репортер» жобасының әлеуметтік желілердегі аккаунттарын да алады: Facebook, аккаунт в Twitter.
Байқауға қалай қатысуға болады?
Сіздің ұйымыңыз Newreporter.org ресурсын неліктен иеленгісі келетінін түсіндіріп хат жазыңыз
Өтініш үлгісін толтырыңыз
Newreporter.org сайтының алдағы 12 айға даму жоспарын жасаңыз (авторлар тарту, әлеуметтік желілерде ілгерілету тәсілдері, демеуші қарсыжын тарту, жаңа айдарлар ашу және т.б.).
Өтініш үлгісі мен хатты asukhachyova@internews.org почтасына 2017 жылғы 1 сәуірге дейін жолдаңыз
Internews байқау қорытындысын 2017 жылғы 10 мамырға дейін шығарады.
Коллаж, ашықхат жасауға, суреттің бетіне жазу жазуға, шақыру қағазын әзірлеуге арналған оңай тегін онлайн-сервистердің жаңартылған тізімін ұсынамыз.
Social Media Image Maker барлық дерлік әлеуметтік желілермен жұмыс істей береді. Оның көмегімен профиль, мұқаба суретін, тақырып суреттерін, астар суреттер жасап, оларды құралдың өзінен тікелей жариялау беруге болады.
Алдымен өзгерткіңіз келетін кескінді таңдап, өңдеу парағына өту үшін Create > батырмасын басыңыз. Суретті терезеге тартып алып келіңіз немесе парақтың төменгі жағындағы Add your file батырмасын басыңыз.
Фотосуретті сізге қажет өлшемге дейін кішірейтуден бөлек, құрал қажет фильтр эффектілерін салуға және кескіннің қанықтығы мен айқындығы сынды баптауларын жүргізуге болады.
Social Image Resizer Tool. Әлеуметтік желілермен жұмыс істеуге толық сай келеді. Тек қандай желі үшін сурет әзірлегіңіз келетінін таңдасаңыз болды, сервис суреттің өлшемін соған лайықтап өзгертіп береді. Суреттерді Facebook, Twitter, Google+, Linkedin, Pinterest, Instagram және YouTube желілеріне экспорттай аласыз.
Share As Image. Бұл сервистің көмегімен фотосуретке мәтін және фильтрлер қоса аласыз. Мәтінді үлгіге келтіргеннен кейін, оны қойғыңыз келетін жерге апарыңыз. Мәтін алаңдарында ешқандай шектеу жоқ, тек мәтін қоса бересіз. Сондай-ақ, кескінді Twitter, Pinterest және Instagram желілерінде сақтауға арналған опциялар бар.
Pinwords алты типографиялық шрифте цитаталар немесе мәтін қосуға мүмкіндік береді. Мәтінді ұлғайтуға немесе кішірейтуге, жылжытуға болады. Өңдегіңіз келетін кескінді жүктеп, шрифт пен стильді таңдайсыз, мәтіннің өлшемін өзгертіп, содан кейін өзгертулерді сақтау үшін «Pin it» батырмасын басасыз.
Befunky — үш құралдың қосындысы: фоторедактор, коллаж жасаушы және кескінге түрлі эффектілер салушы. Қалыпты әрекеттерден (суреттің айқындығын арттыру, кесу, т.б.) бөлек, Befunky түрлі түс эффектілерін де ұсынады. Олардың қатарында түрлі-түсті гамма немесе көмірмен сызғандай ету эффекті, сондай-ақ, мәтін ғана емес, графикалық элементтер қосу мүмкіндігі бар.
Тағы бір керемет функциясы — фотосуреттің үстіне белгіленген үлгідегі маска салу мүмкіндігі. Сервиске фотосуретті өз компьютеріңізден де, веб-камерадан да, Facebook-тан да, Google Drive немесе Dropbox сынды қоймалардан да алып келуге болады.
Recitethis — цитата жазылған суреттерді оңай жасау. Цитатаны ұсынылған үлгіге жазасыз да алдын-ала қарап аласыз. Недәуір қолайлы шаблонды таңдап, «жасау» батырмасын басасыз.
Pablo — цитата қойып, қосымша мәтін немесе логотип қосып, мәтіннің өлшемін баптап, түсін таңдаңыз. Дайын суреттер де бар, өз суретіңізді жүктесеңіз де болады.
