Оё Шумо ягон маротиба фикр кардаед, ки барои чӣ дар медиаҳои иҷтимоӣ маводҳоро паҳн менамоед? The New York Times доир ба ин масъала тадқиқоти калоне гузаронид, то ки ба ин он равшанӣ андозад. Дар натиҷа онҳо панҷ сабаби асосиро пайдо карданд, ки мувофиқи он одамон маълумотро паҳн мекардаанд:
* Барои ҳаёти дигаронро беҳтар гардонидан. Қариб тамоми иштирокчиён (94%) гуфтанд, ки барои беҳтар гардонидани ҳаёти аудиторияи худ маълумоту хабарҳоро паҳн мекардаанд.
* Барои муайян намудани шахсияти худ. Аз се ду нафари иштирокчиён иброз намуданд, ки (68%) барои аз шахсияти худ офаридани «шахсияти иедалии шабакавӣ» иттилоотро дар медиаҳои иҷтимоӣ паҳн мекардаанд. Вақте, ки иттилоотро меофаред, санҷида бинед, ки оё он аз ягон ҷиҳат ба аудиторияи Шумо шавқовар аст ё не. Оё онҳо пас фахр карда метавонанд аз оне, ки Шумо ин маводро паҳн кардед. (масалан, «Дастурамалро аз ин видео бо беҳтарин сарошпаз паҳн кунед, то ки аз имконияти бурд кардани тӯҳфа бенасиб намонед.)
* Худинкишофдиҳӣ. Ҳама фикру мулоҳизаҳои мусбат гирифтанро аз дигарон нисбати ахбори паҳн мекардаашон ва худро чун шахсияти муҳим дӯст медоранд. Тадқиқот нишон дод, ки «ба истифодабарандагон писанд аст вақте, ки маълумотро барояшон паҳн мекунанд». Маводи иттилоотӣ созед ва барои дастрас гардидани он ба аудиторияатон ёрӣ расонед, ки ба ин восита онҳо мунтазам аз хабарҳоятон огаҳӣ пайдо карда, онҳоро хонда тавонанд.
* Барои баён намудани фикру ақидаҳое, ки онҳо ба он бовар мекунад. Аз панҷ 4 нафари (84%) иштирокчиён иброз намуданд, ки онҳо барои дастгири намудани ин ё он бренд ё фикру ақидае, ки барояшон муҳим аст, маълумотро паҳн мекунанд. Фикр кунед, ки кадом андешаҳо ба бренди Шумо муҳиманд ва маълумоте созед, ки ин ақидаҳоро тарафдорӣ менамояд. Панҷ сабаби асосӣ дақиқ нишон медиҳад, ки сабабҳои асосии паҳн намудани иттилоот барои доираи хонандагон ин муносибататон бо одамон будааст, на бренди Шумо.
Дар ёд доред, вақте, ки Шумо маълумот тайёр карда, онро паҳн карданӣ мешавед, хоҳишу завқу таваҷҷӯҳи аудиторияатонро нисбати он ба инобат гиред.
- Ранги дуруст (ё нодуруст) муносибати аудиторияро тағйир дода метавонад.
Шояд мавқеи рангро Шумо барои стратегияи худ дар медиҳои иҷтимоӣ он қадар муҳим наҳисобед. Вале психология собит менамояд, ки дар ин хусус бояд хуб фикр кард. Мувфиқи тадқиқот «Таъсири ранг ба маркетинг» — «одамон дар давоми 90 сонияи аввали муносибат бо дигарон ё маҳсулот фикри худро дар бораи он ҳосил мекунанд. Аз 62% то 90%-и баҳодиҳӣ танҳо ба ранг асоснок карда мешавад». Вале моҳият дар худи ранг нест. Балки мувофиқ будани он ба бренд ё маҳсулоти Шумо мебошад. Чуноне Entrepreneur шарҳ медиҳад, ки «қариб тамоми татқиқотҳои академӣ оид ба рангҳо ва бренд тасдиқ мекунанд, ки ранг бояд «шахсият»-и он брендеро дастгирӣ намояд, ки Шумо нишон додан мехоҳед, муҳим аст, на ин ки ҳангоми интихоб мувофиқати қолабии рангҳоро риоя намоед». Барои қабул кардани қарори стратегӣ оид ба рангҳо, ки ба маълумоти медиаҳои иҷтимоӣ дахлдошта бошад, фикр кунед, ки интихоби Шумо чӣ тавр ба садои бренди Шумо мувофиқат мекунад. Чӣ гуна хабарро доданиед ва кадом ранг дар ин кор бароятон мададрасон буда метавонад? Гарчанд дар ин кор ассотсиатсияҳо бо рангҳои муайян мавҷуданд (масалан, сабз барои «пеш рафтан», зард барои «хушбахтӣ ва ғайра), вале асоси кор дар ин ҷода матн мебошад. Барои гирифтани маълумоти бештар оиди таъсири рангҳо дар стратегияи рангҳо ба роҳнамои мувофиқи психологияи рангҳо муроҷиат намоед.
- Чӣ тавр боварии аудиторияро ба даст орем?
Ба касе, ки боварӣ надоред, аз ӯ чизе харидорӣ намекунед. Истифодабарандаи мақсадноки Шумо дар ин кор аз Шумо ягон фарқияте надорад.
Директори Ogilvy PR Крис Грейвс вебинаре ҷойгир намуд, ки дар он чӣ тавр маркетологҳо боварии истифодабарандагонашонро ба даст оварда метавонанд, муҳокима намудааст.
Пайванди кимиёвии окситотсин дар ин ҷо нақши муҳим мебозад. Окситотсин, ки онро иқтисодчӣ Пол Зак «гормони боварӣ» номидааст, пайвандкуние мебошад, ки эҳсоси болидарӯҳӣ ва кайфияти хуш мебахшад ва окситотсин аз тарафи мағзи сар коркард мешавад. Масалан, вақте касе ҳисс мекунад, ки ӯро қабул карданд ва ӯ узви аъзои чизе мебошад.
«Одамон вобастаи фикр ё рафтори худ мебошанд, вақте, ки натиҷаи он кайфияти бештар мебахшад», мегӯяд Грейвс. Ӯ таҷрибаеро шарҳ медиҳад, ки аз тарафи ширкати барқӣ гузаронида шудааст. Дар таҷриба фармоишгарон нишон доданд, ки чӣ хел ҳамсояҳо барқро сарф мекунанд, ин одатҳоро такрор кардан хостанд (новобаста аз оне, ки то ин дам онҳо аз барқ зиёд истифода бурданд ё кам). Чуноне Грейвс мегӯяд: «Ин намунаи ибрат аз таъсири иҷитимоӣ мебошад. Таҷриба ба рафтори бад ишора намекунад, вале ба истифодабарандагон чӣ тавр тағйир ёфтани рафторашонро ба ҷиҳати мусбӣ нишон додан мумкин аст».
Шумо метавонед ин назарияро барои стратегияи иҷтимоии худ истифода баред, то ки барои ба даст овардани боварии аудиторияи худ кӯшише карда бошед. Иттилооти аз тарафи истифодабарандагон (UGC) баҳои хуб додашуда ва шарҳу эзоҳи мусбии онҳо воситаи хуби нишон додани он ба аудитория мебошад, ки аллакай дигарон истифодабарандагони хушбахти бренди Шумо мебошанд. Намояндагони насли ҳазорсолаи нав ба иттилои истифодабарандагон 50% бештар бовар мекунанд, нисбат ба дигар манбаи медиа. Дар тадқиқоти дигар пойгаҳи Olapic муайян гардид, ки «76% -и истифодабарандагон боварӣ доранд, ки манбае, ки одамони оддӣ маълумоти онро паҳн мекунанд, нисбат ба рекламаи брендҳо хеле софдилона, рост мебоашд».
- Ҳиссиётҳои сирояткунандаанд
Мувофиқи Psychological Science, маҷаллаи Ассотсиатсияи илмҳои психологӣ, агар мавод як эҳсоси амиқро барангехта тавонад, ин чиз метавонад имконияти хабарро барои паҳншавиаш васеъ карда бошад. Тадқиқоти онҳо шарҳ медиҳад: «Қарори паҳн намудани хабарҳо ё маълумот метавонад, ки қисман дар натиҷаи агезиш ба вуҷуд ояд. Вақте, ки одамон аз сабаби омилҳои ҳиссиётӣ ё ғайра аз ҷиҳати психологӣ ба ангезиш меоянд, кори сисемаи автономии асаб фаъол гардида, мубодилаи иҷтимоиро фаъол мегардонад».
Муҳаққиқони Донишгоҳи Пенсилвания дарёфтанд, ки чӣ қадаре, ки агар иттилоот хушҳолкунандаю ҷолиб бошад, ҳамон қадар одамон онро бештар паҳн мекунанд.
Барои дар хабар ҷой дода тавонистани фараҳмандӣ дар стратегияи иҷтимоии худ:
* Маводҳоеро паҳн кунед, ки дар мизоҷонатон ё одамонаи соҳаи истеҳсолот эҳсоси наҷибро барангезад.
* Зарофату ҳазлу шӯхиро дар маводи худ истифода баред. Дар блог сабти «Чӣ хел брендҳо дар медиаҳои иҷтимоӣ ҳаҷвро истифода мебаранд, (ва барои чӣ Шумо низ бояд чунин кунед) тамошо кунед, то ки аз роҳу нозукиҳо ва маслиҳатҳои чӣ тавр дуруст офаридани маводи ҷолиб бохабар гардед».
* Аз аудиторияи худ хоҳиш кунед, ки дар бораи таҷрибаи мусбии худ дар ин кор, дар шарҳу эзоҳҳо ё тавассути озмунҳо ба Шумо қисса кунанд. Масалан, шабакаи гастрономҳо мавҷуд аст, ки дар Facebook хоҳишатонро барои истифодабарандагон нашр мекунад ва аз онҳо дархост менамояд, ки дар бораи хӯроки шом, ки ҳамроҳи оила дар солохир доштед, хотираи неки худро нависанд.
* Видеои кормандони худ ё директоронро паҳн кунед, ки дар онҳо қиссаҳои рӯҳбаландсозандаю ҳавасмандгардонандаро нақл мекунанд.
* Ба маводи худ дар ҷое, ки бамаврид аст, эҳсоси «хушӣ» илова намоед.
Инсоният ҳамеша вобастаи эҳсосоту ҳиссиёт аст. Таҷрибаи такрор намудани изҳорот дар сӯҳбати рӯ ба рӯ чун воситаи ба роҳ мондани алоқа мебошад.
Маҷаллаи Social Neuroscience: вақте, ки эмодзи истифода бурда мешавад, кори ҳамон қисми мағзи сар ва таҷрибаи айнан ҳамин гунаи онлайн фаъол мегардад.
Тадқиқоти «Эмотиконҳо ва ибораҳо: дараҷаи рамзҳо дар медиаҳои иҷтимоӣ инро тасдиқ мекунад. Пас аз омӯзиши истифодабарии эмодзи дар Твиттер муҳаққиқон дарёфтанд, ки индивидумҳое, ки эмотиконҳо зиёд истифода мебаранд, истифода мебаранд (аз ҷумла эмотиконҳои мусбӣ), ки тамоюли нисбатан таъсирбахш ва маъруфият доранд». Хулоса, аз истифода бурдани эмодзи дар манбаҳои медиаҳои иҷтимоӣ наҳаросед.
Дарк кардани хохиши аудиторияи Шумо барои расидан ба манбаи муваффақ дар медиаҳои иҷтимоӣ мадад мерасонад. Аниқ фаҳмед, ки аудиторияи Шумо ба чӣ бештар шавқу рағбат дорад, то ки Шумо манбаи иттилоотие офаред, ки ба онҳо ва тиҷорати Шумо таъсир расонида метавонад.
Манбаи акс: adweek.com
Манбаъ: blog.hootsuite.com.
