Корти (карточка) оддиро тасаввур кунед. Он аз ду тараф иборат аст — пеш ва ақиб. Акнун тасаввур кунед, ки дар ҳар ду тарафи ин корт ягон маълумот ҷой дода шудааст — акс, матн ва ё ҳам аксу ҳам матн.
Акнун дар назди шумо вазифа гузошта мешавад, ки айнан чунин кортҳоро барои сомонаи худ омода созед. Албатта, барои ин бояд барномасоз бошед. Аммо дар асл ҳалли мушкилот боз ҳам осонтар аст.
Барои сохтани чунин кортҳои маҷозӣ (виртуалӣ) аз захираи Playbuzz истифода намуда, формати Flip cards-ро интихоб намоед. Чӣ гуна омода намудани чунин кортҳои маълумотиро бошад аз навори мазкур метавонед омӯзед.
Навори омӯзишии мазкур бо дастгирии молиявии Институти «Ҷомеаи кушод» — Бунёди мадад дар Тоҷикистон омода шудааст.
