17 март куни Тошкент вақти билан соат 15:00 да журналист, муҳаррир, “Детектор медиа” лойиҳаси (Украина) раҳбари Наталья Лигачёва билан медиа танқид кечаси бўлиб ўтади.
Уч йилдирки, “Янги репортёр” медиатанқид йўналиши ривожига алоҳида эътибор қаратиб келмоқда. Ҳазирда биз Ўзбекистон, Қозоғистон ва Тожикистондаги 30 нафар муаллифлар билан ҳамкорлик қилиб келмоқдамиз. Агар Марказий Осиё учун медиатанқид анчайин янги йўналиш бўлса, Украинада бу йўналиш Наталья Лигачёва ва унинг жамоасининг ҳаракатлари туфайли жадал ривожланмоқда.
Наталья постсовет ҳудудида медиамаҳсулотни танқид қилиш йўналишларини кўп жиҳатдан белгилаб берган «Телекритика» лойиҳасининг муаллифи ва ташкилотчиси ҳисобланади. У 2016 йилдан бери доимий равишда медиа материаллар муҳокамаси, мониторинги ва таҳлили чоп этиб бориладиган «Детектор медиа» лойиҳасини бошқариб келади.
Кимлар иштирок эта олади:
Кечага бошловчи ва амалиётдаги медиатанқидчиларни, ушбу жанрдаги материаллар ўқувчиларини, мақолалари қачондир танқидга сабаб бўлган журналист ва муҳарририларни шунингдек, Марказий Осиё давлатларидан журналистика факультетининг талаба ва ўқитувчиларини иштирок этишга таклиф этамиз.
Нима ҳақиа гаплашамиз:
«Детектор медиа» ишлайдиган формат ва жанрлар ҳамда медиатанқиднинг умуман журналистикага таъсири ҳақида суҳбатлашамиз.
Қачон:
Наталья Лигачёва билан Медиатанқид кечаси 17 март куни Тошкент вақти билан соат 15:00 да Zoom платформасида бўлиб ўтади. Учрашув рус тилида ўтказилади. Иштирок этиш учун қуйидаги ҳавола орқали рўйхатдан ўтиш лозим. Zoom даги конференцияга кириш рўйхатдан ўтган иштирокчилар учун email орқали юборилади.
