2021 йил 31 майдан 2 июлгача Internews Network халқаро ноҳукумат ташкилоти Ўзбекистон онлайн-ОАВ профессионал журналистлари ва муҳаррирлари учун мультимедиа сторителлинги (баён, ҳикоянавислик) бўйича онлайн-тренинг ташкил этади.
Тренингда сиз сўз юритилаётган воқеа формати нега ўқувчини қизиқтириши ва унинг диққатини тортиши, замонавий интерфаол инструментлар ва форматлар ёрдамида воқеани қандай ҳикоя қилиш лозимлиги, мультимедиа «пазли» учун «деталлар»ни қандай қилиб тўғри жойлаштириш, ўқувчи қизиқишини охиригача сақлаб туриш учун воқеа драматургиясини қандай тузиш кераклигидан воқиф бўласиз.
Онлайн-тренингда кўриб чиқиладиган ва ишланадиган мавзулар:
- Мультимедиа лойиҳасини режалаштириш
- Инфографика: асосий форматлар ва онлайн-инструментлар
- Визуал сторителлинг
- Мультимедиа лойиҳаси учун фото ва видеоконтент
- Контентни геймификация қилиш: ўқувчини қандай қилиб қизиқтириш ва диққатини сақлаб туриш
- Мультимедиа лойиҳасини шакллантириш ва монтаж қилиш.
Тренингда қатнашишнинг муҳим ва мажбурий шарти! Ўқув жараёнида тренинг қатнашчилари уй вазифаларини бажаришлари, шунингдек, медиа-тренер ёрдамида мультимедиали сторителлинг форматида ижтимоий аҳамиятга молик мавзуда камида битта лойиҳа яратишлари ва уни ўқиш тугагандан кейин бир ойдан кечиктирмай, Ўзбекистон ОАВда эълон қилишлари лозим. Бу шартни бажариш натижаларига кўра тренинг қатнашчилари мультимедиа лойиҳаларини амалга оширишга қаратилган стипендиал дастурда иштирок этиш имкониятига эга бўладилар.
Тренинг нафақат назарий материални баён қилишни, балки амалий вазифаларни бажаришни ҳам кўзда тутади. Барча иштирокчилар вазифани бажариш учун интернетга барқарор уланган шахсий компьютерга эга бўлишлари лозим.
Онлайн-тренинг 2021 йил 31 май – 2 июль кунлари бўлиб ўтади. Ўқув дастури 5 ҳафтага мўлжалланган, ҳар ҳафта Zoom платформасида ҳар бири икки соатдан учта вебинар бўлиб ўтади (вебинарлар жадвали ҳақида кейинроқ хабар қиламиз).
Тренер – Юрий Звягинцев: тажрибали муҳаррир, ношир, россиялик медиа-тренер.
Ўқиш рус/ўзбек (синхрон таржима) тилларида олиб борилади.
Аризалар 25 май соат 23.00 гача (Тошкент вақти билан) қабул қилинади.
Рўйхатдан ўтиш учун онлайн-шаклни тўлдиринг.
Барча саволлар билан ekhmelevskaya@internews.org электрон манзилига мурожаат қилинг.
