2023 йилнинг 27-30 май кунлари Internews ташкилоти BeGlobe билан ҳамкорликда Олмаота шаҳрида “Ёш таҳририятни ривожлантиришнинг муҳим асослари. Таҳририят фаолияти: ғоядан натижагача” бепул оффлайн-тренингини ташкил қилади. Тренинг Қозоғистон ва Ўзбекистондаги ёш медиалар (уч йилгача) бош муҳаррирлари ва бош муҳаррир ўринбосарлари учун мўлжалланган.
Иштирокчилар таҳририят фаолиятига замонавий ёндашувни шакллантириш: кун тартиби ва тегишли ижтимоий тармоқлардан тортиб то маҳсулотларни сотиш, ўқувчиларни бир мақсадда бирлаштириш ва муқобил молиялаштириш манбаларини мустаҳкамлашгача бўлган маълумотлар билан танишадилар. Тренинг якунида таҳририятни ривожлантиришнинг батафсил стратегик режаси ишлаб чиқилади – у ҳар бир иштирокчи томонидан тажрибали медиа-менежер, “Новая газета Европа” ижрочи муҳаррири Вячеслав Половинко, шунингдек, бошқа таклиф этилган ўқитувчи ва мураббийлар раҳбарлигида ишлаб чиқилади.
Тренинг дастури:
- Биринчи кун. Кадрлар масалалари, муҳаррирнинг роли, таҳририятни бошқариш масалалари, муаллифлар ва лойиҳалар продюсерлари билан ишлаш.
- Иккинчи кун. Таҳририят сиёсати ва таҳрир стандартлари, жанрлар, форматлар, аудитория билан ишлаш.
- Учинчи кун. Бюджетни тартибга солиш, реклама шартномалари, грантлар, маҳаллий реклама, давлат буюртмалари ва трафик билан бюджетни жалб қилиш воситаси сифатида ишлаш.
- Тўртинчи кун. Материаллар билан ишлаш – мавзуларни тақсимлаш, концепцияни ишлаб чиқиш, таҳрирлаш ва хатоларни тузатиш, нашр қилиш муддатини белгилаш, реклама ва SMM.
Иштирокчилар тўрт кун давомида машғулот жойида қолишга тайёр бўлишлари лозим. Дастлабки саралашдан ўтганлар билан индивидуал суҳбат ўтказилади.
Рўйхатдан ўтиш учун қуйидаги ҳавола орқали онлайн шаклни тўлдиринг.
Ариза топширишнинг охирги муддати: 2023 йил 14 май, Остона вақти билан 19:00.
Барча саволлар билан amadyarova@internews.org манзилига мурожаат қилинг.
Ўқитиш тили: рус тили, ўқув материаллари қозоқ ва ўзбек тилларига таржима қилинган холда бепул тарқатилади. Тренингда иштирок этиш бепул. Яшаш, овқатланиш ва йўл ҳаражатлари ташкилотчилар томонидан қопланади.
Ушбу тренинг америка халқининг кўмагида АҚШ Халқаро тараққиёт агентлиги (USAID) орқали ва Internews томонидан USAID молиявий кўмагида Марказий Осиё MediaCAMP дастури доирасида ўтказилмоқда. BeGlobe унинг мазмуни учун жавобгардир ва бу USAID ёки АҚШ ҳукумати ёки Internews нуқтаи назарини ифодаламайди.
