ДомойМедиа үніҚазан – 2019. Қазақстан, Тәжікстан және Өзбекстандағы танымал тақырыптар

Қазан – 2019. Қазақстан, Тәжікстан және Өзбекстандағы танымал тақырыптар

Қазан – 2019. Қазақстан, Тәжікстан және Өзбекстандағы танымал тақырыптар

Қазақстанда жұртты сүйсінткен 1-сынып оқушылары, Өзбекстанда электрбустар сынағы, Тәжікстанда сүйісіп-өбісуге қарсы күрес. «Жаңа репортер» қазан айындағы ең танымал тақырыптардың рейтингін жасады. Рейтинг MediaMetrics.ru сервисінің деректері негізінде дайындалды.

Қазақстан

Қазақстанда қазан айының ең көп талқыланған тақырыбы – әнші Любовь Башоркинаның хикаясы болды. Кезінде әлемді аралап, гастролге шығып, өнер көрсеткен ол кейін барлық мүлкін сатып, асырап алған ұлының еміне жұмсайды. Баспанасыз қалған әйел 17 жыл қарттар үйінде тұрып, о мекеме жабылған соң, қоныстанушыларының бәрі далада қалыпты.

Рейтингтегі 15 жаңалықтың төртеуі Қазақстаннан тыс оқиғаларға құрылған. Бұл төрт жаңалық: Miss Tourism World сұлулық байқауына Тәжікстаннан қатысқан арудың бикиниде сахнаға шығудан бас тартуы, Владимир Познердің АҚШ-тағы дәрісі кезінде әзірбайжандық студенттің онымен сөз таластыруы, Норвегия тұрғынының жылқы етін жегені үшін сынға ілінуі және «The Люди» (Мәскеу) YouTube-арнасы негізін қалаушысының Солтүстік Корея өмірінен фильм түсіруі туралы болды.

Қазанның ТОП-15 тізіміне қазақ тілінде үш жаңалық енді. Ұстаздар мерекесінде əн айтып, ерекше харизмасымен жұртты сүйсіндірген Айасыл мен Сәбинаның видеосын қазнеттегілер жылы қабылдады. Танымал актер Қуандық Шәкіржанов екі ер адамның жалаңаш жатқан видеосына өзінің суретін қосып қойғандардың үстінен арыз жазды. Қазақстанның Тұңғыш президенті — Елбасы Нұрсұлтан Назарбаев «Хабар» телеарнасына берген сұхбатында Нұр-Сұлтан қаласын «елдің ең қазақи қаласы» деп атады.

Тұңғыш президентті орыс тілінде де талқылады – Елбасының баспасөз-хатшысы Айдос Үкібай Twitter-аккаунтында Нұрсұлтан Әбішұлының фитнес-трекерінен алынған скриншотты жариялады.

Қазақстандағы мегаполис тұрғындарының басқа өңірлерге қоныс аудару бағдарламасы да танымал жаңалықтардың біріне айналды. Мұнда Нұр-Сұлтаннан Екібастұзға қоныс аударған 55 отбасы туралы ақпарат көп талқыланыпты.

Қазанда ең көп талқыланған 15 тақырыптың бесеуі дау-дамай, түрлі жанжал мен оқыс оқиғаларға арналған: Алексей Чумаков Нұр-Сұлтан қаласындағы концертіне көңілі толмаған көрермендеріне билет ақшасын қайтарды (келушілердің сахна алдына шығып билеуі залдағы бірінші қатарда отырған көрермендердің ашуын тудырды), Арменияның travel-блоггері Қазақстанға саяхаттау барысында қандай қиындықтарға кездескенін айтып берді, SuperStarKZ тележобасының бірінші маусым финалисті Роман Ким сахнадан неліктен кеткенін айтты. Оның сахнадан кетуіне шоу-бизнестің көлеңкелі тұстары себеп екен. Нұр-Сұлтанда автокөлік қағып кеткен жасөспірім төсекке таңылса, Атырауда жаңа туған сәби мұздатқыш камераға салып, өлтірген.

Рейтингтегі жаңалықтардың барлығы қысқа ақпарат форматында жазылған.

Тәжікстан

Қазақстанмен салыстырғанда Өзбекстанда да, Тәжікстанда да ел президенттері туралы көп талқыланыпты. Рейтингтегі 15 жаңалықтың алтауы Тәжікстан президенті мен оның отбасына қатысты екен. Бұл алты жаңалықтың үшеуі тәжік тілінде жарияланған.

Сонымен, қазанда тәжікстандықтарды президенттің 21 жастағы ұлының жаңа қызметке, яғни «Талко кабель» кабель шығару зауыты директорының орынбасары лауазымына тағайындалуы, Эмомали Рахмонның әлемдегі ең ықпалды мұсылмандар тізіміне енуі, ҚР президенті жанындағы стратегиялық зерттеулер орталығы директорының бірінші орынбасары мен Тәжікстан Республикасының Екатеринбургтегі Бас консулының тағайындалуы, президенттің «Әл-Жазира» телеарнасы тілшісіне сұхбаты және Конституцияның 25 жылдығына орай президенттің ең ауқымды рақымшылық жасауды ұсынғаны (бұл рақымшылық 20 мың жазасын өтеушіні қамтиды) қызықтырыпты.

Тізімдегі тағы басқа саяси жаңалықтардың қатарында Ресейдің кеден органдарымен ынтымақтастық жөніндегі келісім де бар. Бұл ақпаратты Тәжікстан тұрғындары жиі бөлісіпті.

Қазанның ТОП-15 тізіміне Тәжікстан тұрғындарының неліктен Өзбекстан арқылы ұшатынын және жалпы Тәжікстан авиациясының қандай жағдайда екенін зерттеген сараптамалық материал да енген.

Әлемге әйгілі ресейлік палуан Хабиб Нурмагомедов Тәжікстан тұрғындарын тек спорттағы жетістіктерімен ғана қуантпайды. Хабиб спортшының тәжік тілін қайдан үйренгені жайындағы жаңалық та қазандағы ең көп талқыланған тақырыптар тізіміне кірді.

Қазанда ең көп талқыланған 15 тақырыптың алтауы сот процесстеріне, оқыс оқиғалар мен жанжалдарға арналыпты. Бірінші курс студенті Дилмурод Фозиловтың өліміне қатысты жаңа деректер шықты, Сот «Султони Кабир» астаналық базары қожайынының ұлына қатысты үкімді қатаңдатып, адам өлімімен аяқталған жол-көлік оқиғасын жасағаны үшін оны 10 жылға бас бостандығынан айыру жазасына кесті. Тәжікстандағы университет декандарының бірі пара алғаны үшін тұтқындалса, тәжік құқыққорғаушылары интим видеосы желіге таралған белсендіні қорғап жатыр, Мәскеу түбінде Ресейде 10 жылдан астам уақыт жұмыс істейтін Тәжікстан азаматын полицей ұрып-соққан, ал тәжік таксистері «автокөлік ішінде сүйісіп, өбісумен күрес» мақсатында автокөліктерінің салонына мұндай әрекетке тыйым салатын белгі жапсырыпты.

Өзбекстан

Қазанда Өзбекстан тұрғындары автокөлік жайын жиі талқылады. Рейтингке енген 15 жаңалықтың үшеуі осы тақырыпқа арналады. Ташкентте Беларусь елінде шығарылған электрбустарды сынақтан өткізіп жатыр. Соған мініп, қатынаған жолаушылар көліктің жайлы жүрісін, ыңғайлы салонын, қуатты салқындатқыштарын мақтайды, ал өндірушілері көліктің үнемді екенін әрі экологияға зиян келтірмейтінін айтады. «Газеты.uz» тілшісінің  автобус кондукторы жұмысына орналасып, қызық тәжірибе жасағаны да көп талқыланған. Ол бұл бизнесте жемқорлық бар-жоғын, сату жоспары неліктен қажет екенін, барлық кемшілікке автобус жүргізушілерін кінәлаған дұрыс не бұрыс екенін кондуктор рөлінде анықтапты. Тағы бір жаңалық ескі көлікті жаңасына алмастыру бағдарламасын егжей-тегжейлі баяндайды.

Өзбекстан тұрғындары қазанда аптап ыстықтан құтылса да олардың ауа райы болжамына қызығушылығы әсте басылмады. Рейтингтегі 15 жаңалықтың екеуі ауа райы болжамын хабарлайды.

Тосын болса да қазан айында Өзбекстанда да дау-жанжал, қайғылы оқиғалар мен оқыс оқиғалар көп талқыланыпты. Рейтингтегі 15 жаңалықтың алтауына: Юнусабадта балаларды көлік қағуы, Ережесіз жекпе-жек шебері Бекзод Нурматовтың өлімі, екі жасар сәбидің төртінші қабаттан құлап көз жұмуы, таксистердің Янгиюль аудандық жол қозғалысы қауіпсіздігі басқармасы бастығының орынбасарын жазалауды талап етуі (Усмон Замонов делінетін кісі дауысының янгиюлдік таксистерді қорлайтын сөздері жазылған аудиожазба желіге тарап кетті), әнші Джахонгир Атаджановтың лицензиясын ерсі қылығы үшін алып қоюы (Қасиетті Рамазан айында өнер көрсеткен әншінің үстіне доллар жаудырады) және Ресейде тұратын өзбек отбасының қайғылы оқиғасы (мас әке өзінің бір жасар қызын абайсызда өлтіріп қойған) еніпті.

Рейтингтегі қалған төрт жаңалық әртүрлі болғанымен, маңызды да қызық тақырыптарға, атап айтқанда: кәсіпкер Зафар Хашимовтың қосымша құн салығын төмендету бағаға қалай ықпал ететіні туралы пайымына, АҚШ сауда министрінің Өзбекстанды ЕАЭО-қа кіруден сақтандыру туралы мәлімдемесіне қатысты Ресей премьер-министрінің жауабына, Өзбекстан президентінің жұбайы мен қызының Хиуаға барғанына, Ташкенттің Юнусабад ауданындағы жаңа және ескі есептеуіштердің жұмысын мамандардың салыстыруына арналыпты.

Қазан айында Өзбекстанның ТОП-15 тізіміне енген жаңалықтардың барлығы да орыс тілінде жарияланған.

Ең көп оқылып, ең көп талқыланған жаңалықтар рейтингі – тұрақты айдарымыз. Қыркүйектегі танымал танымал тақырыптарды мына шолудан оқыңыз.

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

CОҢҒЫ ЖАЗБАЛАР