Домой Блог Страница 71

Интерактив график немесе диаграмма жасау

Назгүл Қожабекова
-
0
Интерактив график немесе диаграмма жасау

Статистикалық деректер график немесе диаграмма түрінде берілсе жеңіл қабылданады.  plot.ly тегін онлайн сервисінің көмегімен деректерді интерактив көрнекі етуге болады. Мысал ретінде   ranking.kz ресурсынан Қазақстанның түрлі облыстарына Интернеттің енуі туралы статистикасын алдық:

Как создать интерактивный график или диаграмму

Сөйтіп, деректердің бір бөлігін интерактив еттік:

Сервисті қолдану оңай. Тіркелгеннен кейін жұмыс панеліне өтесіз. Содан кейін не бөлімдерді толтырасыз, не CSV форматындағы  ақпаратты көшіресіз ( Import Data батырмасымен).

Қосымша деректерді  Text пунктін таңдап енгізуге және сәйкес бағанда оны мәтін ретінде қолдануды белгілеуге болады.

Как сделать интерактивный график

Графиктердің бірнеше нұсқасы бар. Түрлер баптамасымен жұмыс істеп көріңіз.

Как создать интерактивный график или диаграмму

Дайын болған графикке қосымша ақпарат енгізуге болады.

Как создать интерактивный график

Сервисті әріптестеріңізбен ортақ қолдануға болады, қорытынды жобаны түрлі форматтарда кескін түрінде жүктеп аласыз.

Как создать интерактивный график

 

Әлеуметтік желілерде жариялайсыз немесе HTML-кодпен сайтқа орнатасыз.

Как создать интерактивный график

 

Hacks/Hackers Connect — медиабизнеске арналған бүкіләлемдік бағдарлама

Назгүл Қожабекова
-
0
Hacks/Hackers Connect — медиабизнеске арналған бүкіләлемдік бағдарлама

Дүние жүзінің медиамамандары мен медиаұйымдары саланың өзекті мәселелерін шешу жолдарын іздестіруде. Ол үшін түрлі елдерде үнемі конференциялар, семинарлар, үйретуші мастер-кластар мен онлайн-курстар өткізіледі.

Бірнеше күн бұрын Google жаңалықтар лабораториясы Hacks/Hackers Connect ғаламдық бастамасын — медиабизнеске арналған тегін бір күндік шаралар топтамасын жариялады.

Бағдарлама технология саласындағы журналистерге бір-біріне білгенін үйретіп, тәжірибе алмасып, серіктес, ұстаз табуына жағдай жасау үшін құрылған.

1212121

«Біздің мақсатымыз – медиастартаптардың жаңа буынына жол ашу», – дейді Hacks/Hackers негізін қалаушылардың бірі Берт Херман.

Жобаның идеясы — инновациялар мен медиа келешегіне қызығушылық танытатын адамдарға өзара серіктестік орнатуға мүмкіндік беру.

Бағдарламаға медиа ұйымдарында жұмыс істейтін журналистерден бастап, технологиялық компаниялармен серіктесе жұмыс істейтін инженерлерге дейін қатыса алады.

Қатысушылар идеяларды дамытуға көмектесетін немесе жобаларды әзірлеуге атсалысатын мамандармен жолығу мүмкіндігіне ие болады.

Бірінші Hacks/Hackers Connect шарасы Берлинде 2015 жылғы 27 маусымда өтеді, қалған күндер — Лондон, Нью-Йорк, Сан-Франциско, алдағы уақытта нақтыланады.

Бағдарлама о бастан АҚШ пен Еуропаға бағытталған, әйтсе де келешекте өзге де аймақтарды — Латын Америкасын, Азия мен Африканы қамтуы әбден мүмкін, — деп жазады journalism.co.uk.

Біз Hacks/Hackers Connect жөніндегі жаңалықтарды үнемі қадағалап, жариялап отырамыз. Тіпті жобаға қатысуға мүмкіндігіңіз болмаса да, қатысушылар бөлісетін ең өзекті де пайдалы ақпаратты біздің сайттан таба аласыздар.

Журналистерге арналған Бундестагтағы практика

Назгүл Қожабекова
-
0
Журналистерге арналған Бундестагтағы практика

Армения, Әзірбайжан, Беларусь, Болгария, Грузия, Қазақстан және өзге де елдердің жасы отыздан аспаған, неміс тілін меңгерген журналистері Бундестаг депутаттарының кеңсесінде практика өтуге мүмкіндік беретін байқауға қатысуына болады.

Практиканы ұйымдастырушылар – Бундестаг және бірқатар неміс университеттері. Практиканың мақсаты — қатысушыларға Германияның парламент жүйесімен танысып, парламент қызметі саласында тәжірибе жинауға көмектесу.

Бағдарлама 2016 жылғы 1 наурыз бен 31 шілде аралығында өтеді. Қатысушыларға айына 500 евро көлемінде стипендия беріледі және медициналық сақтандыру, жол ақысы мен жатын орны төленеді.

Өтінімдер 30 маусымға дейін қабылданады. Неміс тіліндегі толық ақпарат.

Дерек көзі: ijnet.org.

Алматыдағы «Қазақстанның құқықтық кеңістігіндегі интернет: қазіргі жағдайы мен келешегі» атты тыңдау

Назгүл Қожабекова
-
0
Алматыдағы «Қазақстанның құқықтық кеңістігіндегі интернет: қазіргі жағдайы мен келешегі» атты тыңдау

«Правовой медиа-центр» ҚҚ  «Қазақстанның құқықтық кеңістігіндегі интернет: қазіргі жағдайы мен келешегі» атты қоғамдық тыңдау өткізеді (Нидерланды корольдігінің Қазақстандағы елшілігінің техникалық қолдауымен).

Шара барысында мына тақырыптар қозғалады:

— интернет саласындағы заңдар,
— халықаралық этика стандарттары,
— құқықтық кеңістіктегі алда болатын өзгерістер,
— осы саладағы сот практикасы,
— өзекті практикалық мәселелер және оларды шешу жолдары.

Тыңдауға мемлекеттік органдар өкілдері, мәжіліс депутаттары, медиаэксперттер, заңгерлер, журналистер және басқа да мамандар қатысады. Барша қызығушылық танытушы қазақстандықтар қазіргі жағдайды талқылап, пікір бөлісуге шақырылады.

Тыңдау 27 мамыр күні сағат 10.00-де «Кинг Отеля» конференц-залында өтеді (Уәлиханов к.,7).

Қатысу жөніндегі сұрақтар бойынша «Правовой медиа-центр» қоғамдық қорына хабарласыңыздар: mediastana@gmail.com, 7172 42 44 32.

Дерек көзі: lmc.kz.

 

Қазақстан, Қырғызстан және Тәжікстан медиасына арналған «Контент алмасу» бағдарламасы

Назгүл Қожабекова
-
0
Қазақстан, Қырғызстан және Тәжікстан медиасына арналған «Контент алмасу» бағдарламасы

Internews Network Қазақстан, Қырғызстан және Тәжікстанның тәуелсіз медиа құралдарын контент алмасу жөніндегі халықаралық жобаға қатысуға шақырады.  К

«Контент алмасу» жобасының мәні неде? 

Әр медиа құралы тек өзінің аймағындағы ғана емес, Орталық Азияның өзге де елдеріндегі көрерменге, оқырманға, тыңдарманға қызықты болуы мүмкін контент өндіреді.

«Контент алмасу» жобасы медиа құралдары әріптестерінің айрықша ақпараттық өнімдеріне еркін қол жеткізе алуын қамтамасыз ету үшін жасалды. Ал жаңа технологиялардың көмегімен бұл процесс оңай жүреді және арнайы техникалық білімді талап етпейді.

Жобаны кім жүзеге асырады және қолдайды?

«Контент алмасу» жобасын Internews Network Қазақстан, Қырғызстан және Тәжікстандағы өкілдіктері АҚШ халықаралық даму жөніндегі агенттігінің (USAID) қатысуымен «Ақпаратқа қол жеткізуді» қолдау жобасы аясында жүзеге асырады.

Жоба техникалық тұрғыда қалай жүзеге асырылады?

Медиа құралдары Google Drive қоймасына қол жеткізу мүмкіндігін алады. Осы араға «Контент алмасу» жобасының қатысушылары өз контентін салып, әріптестерінің қазақ, орыс, қырғыз және тәжік тілдеріндегі материалдарын көшіріп алады.

  • Видео: репортаж, сұхбат, жаңалық сюжеттері, арнайы репортаждар, деректі фильмдер, ток-шоу және авторлық бағдарламалар.
  • Аудио: сұхбат, жаңалық репортаждары және авторлық бағдарламалар.
  • Фото: фоторепортаждар және инфографика.

Сондай-ақ, «Контент алмасу» жобасы аясында Internews Network ТВ қорындағы бағдарламалар да ұсынылады. Бұл — серіктестер шығарған және әлемдік өндірушілер мен дистрибьюторлардан сатып алынған түрлі форматтағы телевизиялық бағдарламалар, деректі фильмдер, балаларға арналған және танымдық бағдарламалар.

Қазіргі кезеңде жобаға Қазақстан, Қырғызстан және Тәжікстаннан 37 медиа қатысады. 

Internews Network өз контентін таратып, эфирін өзге аймақтардан алынған материалдармен толтырғысы келетін медиа құралдарын жобаға қатысуға шақырады.

Ең белсенді серіктестеріне Internews Network  әлеуметтік маңызы бар контент шығару үшін шағын грант  беруді жоспарлар отыр.

Гранттар әр елде байқау нәтижелері бойынша тұрақты түрде бөлініп отырады. Толығырақ  мұнда.

Internews Network «Контент алмасу» жобасының техникалық жетекшісі және Google drive қоймасына салынатын контенттің техникалық өлшемдерін өзі анықтайды. Internews Network жоба қатысушыларымен құқықтық қатынас орнатпайды, тек  Internews Network өзі құқық иесі болатын контент салынған жағдайда ғана. 

Авторлық және сабақтас құқықтар жөніндегі мәселелерді жоба қатысушылары өз бетімен шешеді. «Контент алмасу» жобасына қатысушылар контентті айрықша шарттарын көрсетпей орналастыруы олардың сол материалды өзге қатысушылар көшіріп алуына, толық көлемде жариялауына және өңдеуіне келісім бергенін білдіреді.

«Контент алмасу» жобасына қатысушылар өздері жариялайтын материалға авторлық және сабақтас құқықтары болуы және жарияланатын контенттің өз елдерінің заңына сай келуі жөніндегі жауапкершілікті өз мойнына алады.  

Бізге қосылу үші жобаның үйлестірушісіне хат жолдау жеткілікті:  Оксана Осадчук —  ossadchuk@internews.org 

 

Қазақстан, Қырғызстан және Тәжікстан БАҚ үшін шағын гранттар байқауы

Назгүл Қожабекова
-
0
Қазақстан, Қырғызстан және Тәжікстан БАҚ үшін шағын гранттар байқауы

лого

Орталық Азиядағы Internews Network өкілдігі АҚШ халықаралық даму жөніндегі агенттігінің (USAID) қолдауымен БАҚ үшін шағын гранттар байқауын жариялайды.

Шағын гранттардың мақсаты — қоғамдық маңызы бар тақырыптағы сапалы журналистік жұмыстар өндірісін ынталандыру, Қазақстан, Қырғызстан және Тәжікстанның тәуелсіз БАҚ арасында бағдарлама алмасу.

Internews медиаконтент  (жаңалық сюжеттері мен авторлық бағдарламалардан фоторепортаждарға дейін) өндірісіне қолдау көрсетеді.

Internews:

  • Жаңалық сюжеттері циклі (хронометраж 3 минутқа дейін)
  • Өзекті тақырыпқа әлеуметтік арнайы репортаждар циклі (ТВ және Радио, хронометражы 2-5 минут), фоторепортаждар да болуы мүмкін (10 фотодан артық емес).
  • Ақпараттық-танымдық бағдарламалар (хронометражы 13-26 минут) өндірісіне қолдау көрсетеді.

Internews мына тақырыптардағы жобалар бойынша грант өтінімдеріне қолдау көрсетеді:

  • Құқық
  • Жемқорлыққа қарсы қоғам
  • Гендер
  • Экономика
  • БАҚ айналасындағы жағдай
  • Жастар бастамалары
  • Экология (ғаламдық климат өзгерістері)
  • Толеранттық жөніндегі тақырыптар
  • Әлеуметтік бағдарламалар (аймақ пен тұтас ел үшін өзекті)
  • Азаматтардың өмірін жақсарту, қауымдастықтардың әлеуметтік мәселелерін шешу жөніндегі азаматтық белсенділік

Тақырыптық бағдарламалар түрлі жанрларда (арнайы репортаж, сараптамалық бағдарлама, журналистік зерттеу, тележурнал және т.б.) орындалуы мүмкін. Бұл жобада Internews тарих және мәдениет тақырыбындағы бағдарламаларға, ойын-сауық бағдарламаларына, көркем фильмдерге, әлеуметтік роликтер мен музыкалық клиптерге қолдау көрсетпейді.

Грант алушылар үшін міндетті шарт — жобаны жүзеге асыру үшін өз қаржысын немесе өзге қолдаушылардың немесе коммерциялық ұйымдардың қаржысын қоса салу.

Өз тарапынан салынатын қаржы жобаның бюджетінде көрсетілуі тиіс. Оның үстіне қолда бар телевизиялық жабдықтарды жалға алу мен эфир құны өз тарапынан салынған қаржыға кірмейді. Сұралатын сома ұлттық валютаға шаққандағы 1000$ көлемінен аспауы керек.

Интерньюс 2015 жылғы мамыр айынан бастап тұрақты түрде шағын гранттар бөлуді жоспарлап отыр.

Өтінімдердің бәрін Internews аймақтық менеджерлерінен құралатын қазылар алқасы қарастырады.

Грант алудан үміттілер өтінім келіп түскен сайын қазылар тарапынан тұрақты түрде анықталып отырады. Шағын гранттар контент өндірілгеннен кейін беріледі.

Internews грант алған жобалар нәтижесінде өндірілген контентті Орталық Азияның үш елі: Қазақстан, Қырғызстан және Тәжікстан БАҚ арасында таратуға бірінші кезекті құқық иеленеді.

Шағын грант алудағы басым құқық Internews-тің «Контент алмасу» жобасына қатысатын БАҚ беріледі. Сонымен қатар, жоғарыда аталған елдердің қызығушылық танытқан барлық тәуелсіз БАҚ да жобаға қатыса алады.

Грант алуға өтінімдер мына шарттар бойынша бағаланады:

  • контент елдердегі заң нормаларына қайшы келмейді
  • контент түрлі көзқарас тұрғыларын ұсынады
  • контент қандай да бір саяси, діни немесе өзге де тараптарды қолдауға мүдделі емес
  • контент Internews ұсынып отырған тақырыптар мен жанрларға сәйкес келеді
  • шығармашылық ізденіс
  • жобаны жүзеге асыру үшін өз тарапынан қаржы салу
  • жобаны бірнеше тілде жүзеге асыру мүмкіндігі.

Грант алуға өтінімде (үлгісі) жобаның сипаттамасы, мақсаты, күтілетін нәтижелер (жоба неліктен және қалайша қоғам назарын аударады), жұмыс жоспары, бюджет (үлгісі) көрсетілуі тиіс. Міндетті түрде жоба арналатын аудиторияны және жоба көрсетілетін аумақты көрсету керек.

Өтінімдер электронды нұсқада орыс тілінде қабылданады және мынадай ақпаратты қамтуы тиіс:

  • өтінім қандай санатта немесе қандай тақырыпта беріледі;
  • жобаның атауы (хабардың атауымен сәйкес болуы тиіс);
  • жоба қандай жанрда орындалады;
  • аудио немесе видео үшін хронометраж;
  • бағдарламалар қай тілде шығарылады;
  • жобаның сипаттамасы (мәселенің өзектілігі, циклдағы бағдарламалардың тақырыптары, қандай мәселелер көтеріледі);
  • шығармашылық сипаттамасы (сценарий жоспары немесе айдарлардың, бағдарлама форматының сипаттамасы);
  • жобаның бюджеті (өз тарапынан салынатын қаржы көрсетілген);
  • Internews берген шағын грант біткеннен кейін жобаға қандай қолдау көрсетілетінінің сипаттамасы.

Өтінімге жобаға қатысушылардың түйіндемесін қоса беру абзал болады.

Өтінімдерді жоба үйлестірушісіне мына адрес бойынша жолдаңыздар:

 

ТОТ – тренелерге арналған қазақ тіліндегі тренинг

Назгүл Қожабекова
-
0
ТОТ – тренелерге арналған қазақ тіліндегі тренинг

usaid-logo
11-600x368

29-31 мамыр 2015 жыл, Алматы

ТОТ – тренерлерге арналған қазақ тіліндегі тренинг  – Internews АҚШ халықаралық серіктестік жөніндегі агенттігі (USAID) қолдауымен жүргізіп отырған «Ақпаратқа қол жеткізуді қолдау» бағдарламасының аясында жүзеге асырылатын жоба.

Шараны ұйымдастырушылар: Internews Network Қазақстандағы өкілдігі және «Мінбер» журналистерді қолдау орталығы Қоғамдық қоры.

Серіктестер: ЮНЕСКО, Интерньюс Қазақстан.

Мақсаты: тренелерді журналистерге арнап семинарлар өткізуге үйрету және машықтандыру. Тренинг бағдарламасы қажетті теориялық және практикалық материалды тұтас қамтиды. Нәтижесінде қатысушылар тек журналистерге арнап тренинг өткізудің негізгі әдістерімен танысып қана қоймайды, негізгі журналистикалық білімдер бойынша тренингтер өткізу дағдыларын да меңгереді.

Тренингке қатысу үшін өтінім үлгісін толтырып, 2015 жылғы 24 мамырдан кешіктірмей  oossadchuk@internews.org адресіне жолдау керек.

Internews Network қабылданбаған өтінімдер бойынша түсініктеме бермейді.

Қосымша ақпарат алу үшін Медиа бағдарламалары үйлестірушісі Оксана Осадчукке – oossadchuk@internews.org  адресіне немесе +7 (727) 270 41 30 телефоны бойынша хабарласыңыз.

Онлайн-метрикалар редакция жұмысына қалай ықпал етеді

Назгүл Қожабекова
-
0
Онлайн-метрикалар редакция жұмысына қалай ықпал етеді

Интернет-аудиториямен өзара қатынастың қандай да бір көрсеткіштерін өлшеп отыруға арналған құралдар онлайн-медианың күнделікті жұмысының ажырамас бөлшегіне айналуы тиіс.

Олардың көмегімен контенттің «тиімділігін», оқырман/көрермен/тыңдарман қажеттіліктерін сараптауға, материалдарды ілгерілету стратегиясын құруға, форма және құрылыммен тәжірибе жасауға мүмкіндік аламыз.

Алайда, мұндай өлшемдерді ұдайы қолдану журналистердің күнделікті жұмысына айтарлықтай ықпал етеді — бұл факторды да әр медиа құралында бөлек ескеру керек.

Осы бағыттағы аздаған зерттеу жұмыстарының бірі The Tow Center онлайн-журналистика орталығында (АҚШ) екі ірі онлайн-БАҚ — Gawker Media және The New York Times негізге ала отырып жүргізілді.

Зерттеу жұмысының авторы Кейтлин Петре (Caitlin Petre) жасаған қорытындылар түрлі елдердегі медиа құралдары үшін де өзекті.

Онлайн-көрсеткіштер журналистердің эмоциялық күйіне үлкен әсер етеді. Петре ашушаңдық, өз-өзіне сенімсіздік, дандайсып кету, қызғаныш тіпті торығу сезімдері болуы мүмкін екенін жазады.

Әрине, мұндай сезімдер редакция жұмысының жалпы деңгейіне ықпал етпей қоймайды. Осыны медиа басшылары есте ұстауы тиіс.

Трафикке негізделген рейтинг бағалаудың өзге формаларын «басып кетуі» мүмкін.

Бұл материалды бағалаудың жалғыз шарты болмаса да, журналистерге осы көрсеткішке «айналып қалу» тән.

Неғұрлым көбірек «лайк» жинауға ұмтылу кейде журналисті объективтіліктен алшақтатып, редакция ережелеріне қайшы әрекет істеуіне әкеп соқтырады.

Аналитика салмақты стратегиялық құрал болуы мүмкін.

Алайда ол үшін, медианың ғаламдық бағытын ескеретін салмақты, ұзақ мерзімді деректер зерттеуі қажет. Редакцияларда болса, әдетте статистиканы сол күйінде, айқын мақсат пен міндетсіз қарап шығу әдетке айналған.

Сараптама жасайтын онлайн-құралдарды таңдау

Тегін және ақылы сараптама сервистерінің функциялары алуан түрлі. Шын мәнінде медиа құралдары сараптама жасау үшін өздерінің нақты мақсаты мен міндетіне сай келетін құралды таңдағаны абзал.

Бәрін есептеу мүмкін емес, қажеті де жоқ

Қаралым және оқылым саны туралы деректер, әрине, материалдың құндылығы жөнінде түсінік қалыптастыруға көмектеседі, алайда, құралдар көмегімен өлшеуге келмейтін факторлар да бар — мысалға, материалдың әлеуметтік маңызы. Басқаша айтқанда, сан көрсеткіштері әр кезде сапа көрсеткіші бола алмайды.

Зерттеудің ағылшын тіліндегі толық нұсқасы.

Қазақстандық БАҚ үшін цифрлік қосымша әзірлеу жөніндегі байқау

Назгүл Қожабекова
-
0
Қазақстандық БАҚ үшін цифрлік қосымша әзірлеу жөніндегі байқау

Сорос-Қазақстан қорының Медиа бағдарламасы қазақстандық баспа және электрон БАҚ арасында iOS немесе Android жүйелері үшін, планшеттерге арналған қосымша әзірлеу жөнінде гранттар байқауын жариялады.

Байқаудың басты шарты — жұмысқа кәсіби әзірлеуші компанияларды тарту. Грант тек цифрлік қосымша әзірлеуге ғана беріледі. Жобаның бюджеті 1 900 000 теңгеден аспауы тиіс.

Байқауға қоғамдық-саяси және іскерлік журналистика бағытындағы аймақтық және республикалық бұқаралық ақпарат құралдары қатыса алады.

Байқаудың мақсаты: 

  • Қазақстандық бұқаралық ақпарат құралдарына аудиториясын кеңейту үшін цифрлік қосымшалар әзірлеуге мүмкіндік беру;
  • Мультимедиалық жаңалық контентін ілгерілету мақсатымен баспа және электрон БАҚ арасында инновацияларды дамыту;
  • Цифрлік технологиялар нарығындағы бұқаралық ақпарат құралдары тұрақты дамуының жаңа үлгілерін енгізу.

Жобаны бағалау шарттары:

  • жобаның байқаудың мақсаттары мен басым жобаларына сәйкестігі;
  • бұқаралық ақпарат құралының тұрақты кең оқырман/тыңдарман/көрермен аудиториясы болуы;
  • идеяның инновациялығы: сапалы мультимедиалық контент әзірлеу және ілгерілету үшін цифрлік технологияларды қолдану;
  • цифрлік қосымшаны әзірлеу жөніндегі жоғары функционалдық, баға және орындалу сапасы бойынша талаптарға сай келетін техникалық тапсырма болуы;
  • өтінім берушінің жобаны жүзеге асыру үшін басқару әлеуеті және техникалық мүмкіндіктері болуы.

Өтінім беруші:
Өтінім үлгісін толтырып;
Техникалық тапсырма әзірлеуі тиіс.

Өтінім беру мерзімі:
2015 жылғы 1 маусымға (Астана уақытымен 17:00) дейін. Осы мерзімнен кеш келіп түскен өтінімдер қарастырылмайды.

Жобаны жүзеге асыру мерзімі – 6 ай

Жалпы грант қоры – 5 700 000 теңге

Байқауға өтінім беру реті:
Байқауға келіп түскен өтінімдердің бәрін Сорос-Қазақстан қоры Медиа бағдарламасының Сарапшылар комитеті қарастырады. Сарапшылар комитеті өтінім берушіден қосымша ақпарат сұратуға құқылы.

Өтінімдерді «Цифрлік қосымша-2015″ деген белгімен мына e-mail бойынша жолдау керек:application@soros.kz және sorosapplication@gmail.com. Өтінім тіркелгеннен кейін өтінім берушіге растау хат жолданады.

Өтінім берушілер назарына:
Өтінімдер рецензияланбайды және қайтарылмайды. Сороc-Қазақстан қоры қабылданбаған өтінімдер бойынша түсініктеме бермейді.

Қосымша ақпарат алу үшін Медиа бағдарламасының үйлестірушісі Дария Цыренжаповаға хабарласыңыздар: media@soros.kz немесе +7 (727) 250 38 11 (вн. 105).

«Медиаға арналған мобильдік қосымшалар» тақырыбында вебинар өтеді

Назгүл Қожабекова
-
0
«Медиаға арналған мобильдік қосымшалар» тақырыбында вебинар өтеді

14 мамырда сағат 20.00-де  Фарход Рахматов «Медиаға арналған мобильдік қосымшалар» тақырыбында тегін вебинар өткізеді.

Вебинар барысында Орталық Азия медианарығында өзекті болып отырған «Медиа үшін мобильдік қосымшалар керек пе?» деген сұрақтың жауабын іздейміз. Сондай-ақ,  мына тақырыптар қозғалады:

  • медиакомпаниялар контент жасау және оны ілгерілету үшін мобильдік қосымшаларды қолдана ала ма?
  • өз аудиториясымен мобильдік қосымшалар арқылы қатынас орната ала ма?
  • БАҚ үшін жылдам әрі тегін мобильдік қосымша жасай ала ма?
  • мобильдік қосымшаны монетизациялау мүмкін бе?

Тренер жөнінде ақпарат

Фарход Рахматов — медиатренер, ТВ-мультимедиапродюсер және  халықаралық бағдарламалар жөніндегі менеджер ретінде он жылдан астам жұмыс тәжірибесі бар.

Вебинар «Мобильные приложения для медиа»

2004 жылдан бері Тәжікстандағы және Орталық Азия аймағындағы БАҚ мәселелерімен айналысатын халықаралық және тәжікстандық үкіметтік емес ұйымдарда түрлі қызметтер атқарып келеді.

Эдмунд Маски (Edmund S. Muskie Graduate Fellowship) бағдарламасының түлегі.

Тегін вебинарға тіркелу.

Назар аударыңыз! Вебинарға тек Google Chrome, FireFox, Opera браузерлері арқылы қатысуға болады.

«Google Fusion Tables және BatchGeo көмегімен интерактив карталар жасау» тақырыбындғы вебинарды   Internews Network өкілдігі ақпаратқа қол жеткізуді қолдау жобасы аясында, АҚШ Халықаралық даму жөніндегі агенттігінің (USAID) қаржылай көмегі арқасында ұйымдастырды.  

 

1...707172...77Страница 71 из 77

Бұл уеб-сайт америкалықтардың АҚШ халықаралық даму агенттігі (USAID) арқылы көрсеткен көмегімен мүмкін болды. Internews Қазақстан жарияланымдардың мазмұнына жауап береді, бұл АҚШ Үкіметі немесе USAID позициясын міндетті түрде білдірмейді. «Медиасын» бөліміндегі жарияланымдар автордың көзқарасын көрсетеді, бірақ Internews-тің, USAID-тің немесе АҚШ Үкіметінің позициясын міндетті түрде білдірмейді.

Хабарласыңыз: info@newreporter.org

СІЛТЕМЕЛЕР