2023 йил 16-19 март кунлари Time Out Tashkent компанияси Бухоро шаҳрида офлайн форматда бепул тренинг ўтказади. Ушбу тренинг ўзбекистонлик профессионал журналист ва онлайн медиа фотожурналистлари учун ҳам, блогерлар учун ҳам фойдали бўлади.
Фотография – бу ҳамма тушунадиган универсал тилдир. Турли тилларда сўзлашадиган одамлар бир суратга қараб, айни ҳис-туйғуларни бошдан ўтказишлари мумкин. Фоторепортаж бутун дунё бўйлаб аудиторияга воқеани бир хил тарзда айтиб бериши ва томошабинни содир бўлаётган воқеалар муҳитига сингдира олади. Ҳақиқатан яхши фоторепортаж яратиш учун суратга олишни билиш ва кдрни кўра олишнинг ўзи етарли эмас. Бутун воқеани тасаввур қилиш, қаҳрамонларни ҳис этиш, драматургияни тушуниш ва бошқа кўп нарсалар муҳим аҳамиятга эга.
Тренинг қуйидаги мавзуларни қамраб олади:
- Замонавий медиа майдони қандай шаклланган ва бунда фотосуратнинг ўрни
- Фоторепортажнинг асосий хусусиятлари
- Репортажли фотографиянинг қандай турлари мавжуд
- Матн ва фотосуратлар орқали қандай ҳикоя қилиш мумкин
- Фотохизматлари қандай ишлайди
Тренинг кунлари қизғин амалий ишлар, суратга олинган кадрларни кўриш ва муҳокама қилиш, шахсий маслаҳатлашувлар ва фототаҳрирлар ўтказилади. Иштирокчилар замонавий рақамли медиа билан янада самарали ишлаш учун ўзларининг визуал тил ва услубларини танлашни ўрганадилар. Тренингнинг мақсади шундайки, иштирокчилар ўзларининг фоторепортажларини эълон қилиш учун тайёр ҳолга келтирадилар.
Барча иштирокчиларда фотокамера ёки юқори сифатли смартфон, шахсий компьютер ва фотосуратлари тўплами бўлиши лозим. Фотоаппарат билан ишловчи номзодларга устунлик берилади.
Тренинг машғулотлари Ўзбекистоннинг Бухоро шаҳрида бўлиб ўтади. Иштирокчилар тренинг кунлари машғулот жойида қолишга тайёр бўлишлари керак. Тошкент ва бошқа ҳудудлардан келадиган иштирокчилар учун йўл ҳаражати ва тренинг ўтадиган ҳамда овқатланиладиган меҳмонхона назарда тутилган.
Тренер:
Сергей Карпов — фотограф, режиссёр ва рақамли креатив продюсер, “Поле” тадқиқотлар артелининг ҳаммуассиси. Сергейнинг асарлари турли вақтларда энг яхши телефильм учун нуфузли мукофотлар, жумладан, World Press Photo (Digital Storytelling Contest in the Innovative Storytelling category), POY Online storytelling of the year finalist, Visa d’Or (Best Digital News Story), WEB FEST Berlin (Best Drama), “Дафна новдаси” ва бошқалар билан тақдирланган.
Машғулот тили: рус тили, ўзбек тилига синхрон таржима билан.
Рўйхатдан ўтиш учун онлайн шаклни тўлдиринг.
Аризалар 2023 йил 21 февраль, Тошкент вақти билан 12:00 гача қабул қилинади.
Барча саволлар бўйича timeouttashkent@gmail.com электрон манзилига мурожаат қилинг
