Ҳужжатли фильмлар бўйича бошловчи режиссёрлар ва муаллифларни, мустақил видеомейкерлар ва тележурналистларни “Ҳужжатли кино Мактаби. Қисқа метр” да иштирок этишга таклиф этамиз. Сиз бу ерда ҳужжатли кино ва телевидение орасидаги фарқни тушунасиз, айнан кинематография нуқтаи назаридан фикрлашни ўрганасиз ва ўз шахсий қисқа метражли фильмингизни суратга оласиз.
Илк Ҳужжатли кино мактаби Internews кўмаги билан 2021 йилнинг баҳор ва ёз ойларида онлайн ва оффлайн форматда Ўзбекистон, Қозоғистон ва Тожикистонда бўлиб ўтади.
Аризалар қабул қилиш муддати: 3 март 2021 йил, соат 00:00. Саралаш босқичидан ўтган номзодлар билан индивидуал суҳбат ўтказилади.
Мактаб дастурида иккита босқичдаги ишлар режалаштирилган:
Назариёт: олти ҳафта давомида интенсив равишда таниқли документалистлар ва халқаро тренерлар дарс ўтишади, уйга вазифалар, воркшоплар, кино томошалари ва муҳокамалар;
Амалиёт: икки ой давомида суратга олиш ва монтаж ишлари, менторлр ва мактаб тренерлари раҳбарлиги остида шахсий кино тайёргарлиги.
Мактаб бош тренери — Шахида Тулаганова, BBC. Таклиф этилган спикерлар: Виталий Манский (Россия), Татьяна Рахманова (Франция), Кенан Алиев (Чехия), Рухи Хамид (Британия), Елена Демидова (Россия) ва бошқа режиссёрлар, продюсерлар ва документалистлар.
Ўқишда Ўзбекистон, Қозоғистон ва Тожикистондан ўз шахсий киносини яратиш бўйича ғояси, оз бўлсада иш тажрибаси, видео ишлаб чиқариш бўйича бошланғич билимлари, шунингдек, ўз шахсий базавий ускуналари ёки ўқув жараёнида вақтинча олиб туриш имкони бор бошловчи профессионаллар иштирок эта олади. Аризаларни якка тартибда ёки гуруҳ бўлиб топшириш мумкин.
Ўқитиш тили: миллий тилларга синрон таржима билан рус тили.
Иштирок этиш учун ҳавола орқали ўтиб, ариза шаклини тўлдиринг.
«Ҳужжатли кино мактаби. Қисқа метр» Internews ташаббуси бўлиб, Project Hub (Қозоғистон) гуруҳи, Zibai production компанияси (Тожикистон) ва Элёр Нематов (Ўзбекистон) билан ҳамкорликда ўтказилмоқда.
Лойиҳа Марказий Осиё MediaCAMP дастури доирасида АҚШ Халқаро тараққиёт агентлиги (USAID) кўмаги билан амалга оширилмоқда.
