2021 йилнинг 15-25 январь кунлари Internews Network халқаро нодавлат ташкилоти Ўзбекистонлик профессионал, фуқаролик журналистлари ва блогерлари учун «Смартфонда фото ва видео контент яратиш» онлайн-тренингини ташкил этмоқда. Тренингда қатнашиш бепул.
Тренингнинг мақсади — журналистлар ва блогерларни мобил журналистиканинг халқаро стандартлари асосида ўз смартфонларида профессионал тарзда суратга олиш ва юқори сифатли медиаконтент яратишга ўргатиш.
Тренинг қуйидаги мавзуларни қамраб олади:
- Мобил фотосуратлар: портрет, ландшафт, архитектура;
- Сурат 360;
- Фотосуратлар ва видеолар учун ташқи дастурлардан фойдаланиш;
- Смартфонда тунги суратга олиш;
- Мобил видео: смартфонда суратга олиш ва таҳрир қилиш;
- Смартфонда видео интервью.
Машғулотлар ҳар бири 2 соатдан, 5 та вебинардан иборат бўлиб, Zoom платформасида бўлиб ўтади. Семинар жадвали кейинроқ эълон қилинади.
Тренинг нафақат назарий билимлар бериш, шунингдек, амалий ишларни ҳам бажариш ва уларга тренер фикри ва изоҳларини таъминлашни ҳам ўз ичига олади.
Барча иштирокчиларда смартфон ва шахсий компьютер, шунингдек, мобил қурилмалар учун штатив (агар мавжуд бўлса) бўлиши керак.
Тренинг тили — ўзбек тили.
Тренер: Марат Содиқов — тажрибали продюсер, журналист, оператор-муҳаррир, Олмотада фаолият юритади, Ўзбекистоннинг медиа муҳитини яхши биладиган мутахассис.
Ҳужжатлар 2021 йил 10 январь куни Тошкент вақти билан соат 23:00 га қадар қабул қилинади.
Рўйҳатдан ўтиш учун онлайн шаклни тўлдиринг.
Қўшимча саволлар бўйича ekhmelevskaya@internews.org электрон манзилига мурожаат қилишингиз мумкин.
